藝人蕭正楠、曹永廉及何廣沛晚上（8日）現身銅鑼灣鬧市，為新劇《超時空男臣2》快閃拍攝，眾人穿上古裝現身，吸引大批市民圍觀，何廣沛未婚妻Sarah與陳曉華亦有孖住到場探班。
場口講述由蕭正楠飾演的大將軍袁崇煥、曹永廉飾演的大學士左光斗及何廣沛飾演的太監李進忠，仿效電影《未來戰士》的出場橋段，再次穿越時空來到現代，現身銅鑼灣東角道，旋即吸引眾多街上途人圍觀、拍照及做直播，3人更拿出手上人像畫，面對途人的直播鏡頭，希望借助直播尋找畫中人。
《超時空男臣》於2016年10月開拍，對於相隔10年後能再拍第二輯，蕭正楠受訪時表示十分高興，他笑指雖然大熱天穿古裝，內衣褲已被汗水濕透，但仍難掩興奮心情，他説：「好開心首先有劇拍先，哈哈！我都2年幾冇開工，返到嚟見返台前幕後嘅同事同兩個男臣二弟三弟，成個感覺返晒嚟。」他笑指開工期間曾趁空檔跟仔仔「蕭哈哈」以視像通話，但仔仔卻認不出自己：「因為黐晒鬚佢唔認得我，但會叫我叔叔，好有禮貌，哈哈！」他又指當年劇集播出後，發現街上有很多小朋友模仿自己將軍角色的步姿，覺得自己有角色獲小朋友喜愛很開心，問到會否因此令他拍第二輯時有壓力？他表示壓力即是動力，也讓他們3兄弟更落力去為新劇度笑位。
提到「三弟」何廣沛當年初入行，笑稱在兩位大哥面前不敢給意見，蕭正楠指很開心見到對方經過10年磨練，現在會有很多可取的新觀點提供：「大家睇住大家成長，10年前我都好細個啫，係阿廉哥大啲。我係第一次以爸爸身份拍劇，以前可以全副精神鑽研角色，依家有一半時間用唔到到，每次一坐到埋枱仔仔會走過嚟叫爸爸、爸爸，有用支筆畫我啲劇本，不過都係好開心嘅，終於有一部劇係拍俾我個仔睇，所以我會更加畀心機拍呢部劇。」
提到何廣沛快將轉身份成為人夫，阿蕭也戥對方開心，指二人有共同嗜好，喜愛同一隊足球隊又會一起看球賽：「我嗰個（黃翠如）唔睇波，得我自己一個睇。」談到太太近來開始重投幕前，阿蕭表示非常支持，但坦言跟太太為開工少了時間見仔仔，跟仔仔視像通話時會眼濕濕：「始終父母陪住係最好，但又咁諗，依家做演員仲有工開、有劇拍係好開心事，係我極力去支持佢拍，本來佢都十五十六話不如唔拍，但我話唔好，個仔將來會明白。」他表示作為父母固然有責任陪伴小朋友成長，但每個人都有夢想追求，因此極力有說太太不要放棄，否則將來必定後悔：「所以佢最尾聽我意見去咗，但原來佢去咗我好辛苦，哈哈！放工返去仲要抽時間同小朋友玩，變咗自己冇乜時間瞓覺，不過係Enjoy嘅！」
今日眾人為此劇的節目巡禮拍攝宣傳片，曹永廉表示諗番起10年前，笑言件衫「窄咗」，說到有人拍攝時甩鞋，阿廉謂：「啲鞋係新嘅，但唔知係咪太耐唔着，所以啲膠甩甩哋，甩嗰個係阿蕭嚟，阿蕭成日都甩底㗎所以冇乜特別。」眾人因穿着古裝拍攝，阿廉搞笑指連「底褲都濕埋」。問到多年後再開拍第二輯，有甚麼感覺時，他們謂:「我哋更加明白、更加熟，會度更加多嘅嘢出嚟，大家已經好有化學作用。」
何廣沛指事隔10年，自己成長了不少，今次參與度會多番少少。問到準人夫何廣沛現時心情如何，他謂：「年尾好快到呀！(疊住拍劇？)係呀！都好驚影響拍攝進度，(請埋阿蕭、阿廉去飲?)我都想呀！不過我走咗去放假，大哥、二哥就要返工，所以我都同劇組講話有冇機會可能嗰日佢哋返日更，夜晚收工就可以過嚟！」說到廣沛好像愈來愈瘦，他笑言：「都係！可能近排都有啲容貌焦慮，呢排都要做啲減脂運動，希望嗰日狀態好啲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
