掃呢頁CODE去手機

2026年11月9日 星期一

鍾漢良:鍾漢良傳秘婚造型師長達14年 台灣密會行程曝光 #鍾漢良

內地人氣爆燈嘅鍾漢良傳秘婚!演員鍾漢良入行逾三十載,感情世界向來低調成謎,外界多年嚟盛傳佢同年輕六載嘅台灣知名造型師謝易樺已秘婚長達14年,日前鍾漢良 ...






內地人氣爆燈嘅鍾漢良傳秘婚!演員鍾漢良入行逾三十載,感情世界向來低調成謎,外界多年嚟盛傳佢同年輕六載嘅台灣知名造型師謝易樺已秘婚長達14年,日前鍾漢良低調飛抵台北出席活動,工作完畢後被斷正登上七人車直奔謝易樺工作室閉門相聚約三小時。直至傍晚時分,佢換上利落西裝、手提價值近五萬港元名牌手袋,與悉心打扮嘅謝易樺結伴步出大廈。兩人腳踏同款情侶鞋,男方又細心為謝易樺遞上口罩,其後一同乘車前往五星級酒店嘅高級粵菜館共進晚餐,默契十足。直到晚上10時半都未見鍾漢良同謝易樺步出,據餐館員工透露,餐館內部有員工通道可以直達旁邊酒店,兩人或已從後門離開。


其實鍾漢良同謝易樺早於2012年前後就已傳出秘婚,2015年曾被拍到泰國同住酒店,當時更有一名小女孩同行,即令「隱婚生女」傳聞甚囂塵上。2024年兩人又被拍到着疑似情侶裝參加聚會,今年傳出一齊現身意大利米蘭機場。


謝易樺長期擔任鍾漢良服裝造型師,曾參與其2010年專輯《視覺動物》造型設計。鍾漢良又曾分享理想類型,鍾意齊劉海、愛笑、腿長嘅女仔,個性獨立、能照顧自己,謝易樺條件都符合。不過,鍾漢良多年來對婚姻傳聞只曾拋下一句:「那些小道消息不要信。」雖然圈內人士認定雙方係一對,但是否正式結婚、育有子女,目前為止仍未獲當事人證實。



本文作轉載及備份之用 來源 source: http://hk.on.cc
鍾意就快D Share啦!