臨急頂上做反派全因表情夠豐富
其實在《璀璨之城》中，戴耀明本身已有角色，飾演陳瀅與陳曉華的報館上司，但去到大結局後期製作階段，監製臨時邀請他再接演一角，飾演終極反派「東先生」。他指出獲選關鍵在於自己私底下表情生動多變︰「大家都識咗好多年，知我成日鍾意扮鬼扮馬、搞搞震、諸多表情，所以佢做呢個AI係需要表情好明顯嘅。」劇組需要充足的面部動態作素材，「想一個演員係可以好多表情俾佢做到、揀到、用到」，雙方因而一拍即合。
親身落場現場當八十歲老翁演
今次劇組動用AI變臉，背後其實做足前期工夫，單是面部特寫已拍下海量照片建模：「拍之前要搵相機影低我好多表情，笑嘅時候個虎紋係點、個眼角係點，奸嘅時候隻眼又點樣，仲要個眼皮耷少少。」到正式開工時，他更親身到現場與對手過招，絕非單靠電腦合成：「現場真係咁拍嘅，我同Chilam、卓羲對嗰兩場戲，係正常咁拍落去嘅……當自己係八十幾歲咁樣去做，嗰啲老態、舉手投足，唔會好似後生仔咁郁得咁快，眼皮又耷耷地，望嘢……講嘢老人家的語氣啲，喉嚨音聲沙多啲。」完成實拍後劇組才套用AI技術，令成品質感更逼真。
嘆前輩短缺 首拍AI照平時計Show
被問到為何要特意以AI打造高齡角色，戴耀明坦言因電視台資深老戲骨短缺，很多具資歷的都離開了大家︰「佢要一個八十幾歲嘅老人家去做，咁公司好少，鮑方叔、關海山、周驄叔嗰啲，好多都唔喺度囉。」為了更貼合角色，他連聲線都特別下苦功：「其實係用咗我把聲底再tune少少，我正式做嘅時候都壓沙喉嚨俾佢。」至於破天荒參與AI拍攝酬勞是否特別豐厚，他隨即大笑澄清：「都係照計Show照工作囉，照平時工作咁做囉。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
