栢天男演終極渣男大嘆難搞
栢天男在電影中飾演一個有很多女朋友及老婆的渣男，他表示：「多情嘅，唔係好識諗嘅男士，我覺得世界上係有一啲咁嘅人嘅，佢哋係唔係太過負責任嗰啲角色。呢個要好投入先至可以做到，我覺我睇劇本時候，唔係話你可以有幾個女朋友，幾個老婆，然後有幾個細路，幾頭家，你點manage成件事啊？係好難搞。」
與鄧麗欣車震好緊張
在戲中，栢天男與伴侶有不少激烈親熱場面，他指：「唔同地方啊！車啊、海灘啊。」有一場車震戲，是他與Stephy在跑車上拍攝，他表示很難拍，因為跑車地方已經小：「個攝影師又要入埋去，燈光又要入埋去，好彩係開篷車嚟㗎啫。」
爆黃百鳴出獄後變健康開心
栢天男的老闆黃百鳴早前出獄，栢天男被問到他的近況：「我聽家人講，佢就健康咗好多，開心咗，其實都開心啦，梗係開心啦佢出返嚟。」他亦表示，暫時未有機會與黃百鳴見面：「現階段因為有嘢做，所以就冇見到，我覺得佢哋應該唞下啦。」相信他需要時間休息：「大家都好關心佢嘅，只會越嚟越好啦。」
AK突爆自己有資格做爸爸
AK在首映時更大爆自己有資格做爸爸，隨即引起很大的反應，他笑指：「我覺得係可以有機會嘗試挑戰下嘅，即係佢細個做錯事唔小心有個小朋友嗰啲，我覺得係可以嘗試下挑戰呢啲角色。」被指戲中「小朋友」已經20歲，他隨即搞笑地說：「驗吓好喎，未必係我㗎喎，咁就笑片嚟㗎啦喎嗰套。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
