有份參與《女神配對計劃2》的俞可程近日被網民踢爆「假單身」，曾在節目初期與男友在餐廳約會，並疑似為戀綜跟對方分手。俞可程昨日受訪時強調已單身年半，網民口中的「男友」只是公司導演，兩人當時在工作，並無親暱行為。
無綫戀綜《女神配對計劃2》開播以來，多位女神先後遭網民攻擊，繼陳若思被指拜金愛收兵、何沛珈是「雙面人」後，近日輪到俞可程（Kanis）。有「樓主」（意指最初發貼文的人）在網上出Po，指友人的前女友最近為參加電視台戀綜而與男友分手，引來外界猜測。有網民隨即聲稱曾於8月目擊《女神2》其中一名女神與男友到元朗一間Cafe撐枱腳，女方餵對方吃東西，男方又親暱攬腰，因而推測「樓主」所講的主人公正是這位女神，並以「紅髮、兩女爭一男」作為貼士，明顯是指Kanis。
樂觀看待負評
Kanis昨日接受東網訪問時，坦承網民在元朗所遇之人正是自己：「當時真係同一個男仔一齊，但好可惜對方係導演，我見到網民嘅Post之後，我將兩次工作嘅相同片都放咗喺社交網站最前嘅位置，畀大家知道我只係接咗Cafe廣告，當日係工作。」講到兩人表現親暱，她否認：「係不實嘅，餵嘢食相信係我拍片時，我要對住鏡頭餵食，可能網民睇唔清楚，以為我係餵導演食嘢，攬腰真係完全冇印象。」至於被指為戀綜分手，Kanis說：「應該唔係講我，只係被人對號入座話係我。」她重申已單身一年半，坦言經過今次事件會自我反省：「下次出去拍攝，我可能要幫我拍嘢嘅導演帶番個工作證去證明係工作，唔好畀人再誤會。」對於多位女神先後被爆負評，Kanis心態非常樂觀，認為這樣證明節目關注度高：「其實係開心，係有負面新聞同被攻擊，但正面評價都好多，真人騷入面嘅決定冇分對與錯，每個人價值觀唔同，自然有正反意見。」又指受節目帶挈，社交網多了近2萬Followers，收獲甚豐。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
