精神奕奕亮相 台上高呼：永不言休！
修哥以一襲黑紅色繡花上衣襯白色褲亮相，奪獎後精神飽滿地在台上致詞，「人生繼續努力，永不言休 ！」接受訪問時，修哥認為獎項是對自己工作的肯定，更指會繼續工作不會退休。問到會否與一班契仔契女一齊慶祝，修哥笑言：「我諗唔會喇，第一，佢哋都好忙，第二，都唔知佢哋知唔知我今日攞獎。」
隔空向張家輝「放話」：唔搵我做嘉賓連契仔都冇得做
提到契仔張家輝即將於明年2月登上紅館舉行演唱會，修哥風趣表示：「佢冇同我講啊，我都唔知點解佢唔同我講，我唔理佢，睇吓佢同唔同我講。（會做佢嘉賓？）睇吓佢點啦，若果佢唔搵我嘅話，連契仔都冇得做呀！」
自律減聚會：一個月剩係出15日
至於問到修哥身體狀況，他直言：「上天眷顧我，精神漸漸康復，仍須努力。」提到入院一事，修哥指身邊好多朋友及家人都好擔心，很感謝大家的關心，更表示會更注意健康：「人多嘅地方我就唔會去，不過今日係特別例外。（有冇少咗同朋友聚會？）以前未病之前，我一個月起碼25日出去聚會，依家就15日啦，都好多㗎，呢幾日都排住晒㗎！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
