港鐵白裙女連環狂踢車門幕門。
有網民上載兩段影片，第一條影片長13秒，片中可見，一架行駛中的港鐵列車內，一名身穿白色吊帶短裙、長頭髮嘅女子，站在車門旁邊不動聲色，忽然起腳踢向車門，其後再連環踢兩次，車廂發出「嘭！嘭！嘭！」三聲，車廂內其他乘客全部側目，有人更不敢直望白裙女。片段亦至此完結。
第二條影片長5秒，片中見同一名白裙女疑落車後站月台幕門旁，她先抬起右腳，用力踢向幕門玻璃下方，踢完一腳唔夠喉，隨即再起腳狂踢，動作極之粗暴。幕門被踢到砰砰聲，附近等車嘅乘客全部嚇到彈開不敢行近。
兩條片流傳後，隨即引來大批網民紛紛留言，有人笑問，「她要去嘅地方係咪叫做門常開？」，另有網友問，「點解其他人可以咁淡定，冇嘢咁」，其後有人答，「因為仲要供樓同返工搵食，呢啲嘢先係大過天。」，「最勁係係佢隔離左右果啲完全無反應，佢想刷存在感但啲人當佢透明」、「見到佢對腳，就知佢想練腳」。
根據《香港鐵路附例》，任何人不得損壞港鐵設施，包括月台幕門同列車車門，一經定罪，最高可被判罰款及監禁。港鐵亦多次呼籲，乘客如有不滿，應向職員反映，切勿喺月台或車廂內作出危險行為，以免危害自己及他人安全。港鐵提醒乘客，月台幕門同列車車門均設有感應系統，如遭外力撞擊或踢打，可能會導致故障，需要即時停駛檢查，對整體列車服務造成嚴重影響。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
