獲李海泉教路坐擁三藩市百萬商廈
外界向來封卿姐為圈中「隱形富婆」，有指她早在年輕時期已達到廿萬年薪，名下更坐擁半條街物業與三藩市過百萬美元商廈。卿姐自40年代起便活躍於大銀幕及粵劇舞台，短短20年演藝生涯拍下超過330部作品，叫座力十足。她曾透露其累積財富之道，全靠李小龍父親李海泉點撥，傳授她「賺一蚊儲一蚊，想用錢再去賺」的儲蓄哲學。
自嘲「孤寒到震」 堅持儲錢買磚頭
面對外界常取笑她「孤寒到震」，卿姐毫不介意更坦率直認：「千祈唔好同我講錢，我唔會請食飯，借一毫子都冇得傾，人人都知道我孤寒，我唔識理財，又唔會做生意，乜都唔識淨係識儲錢，儲到幾多就買幾多錢嘅樓，唔會呃人亦唔會畀人呃，堅持知慳識儉先係真正理財之道，但係呢個唔易做。」就連故友曹達華生前亦對其置業眼光羨慕不已。
姪孫照料晚年幸福
雖然一生無兒無女，但卿姐的晚年生活絕不孤單，除了有徒弟友人兼契女陳麗君常伴左右，亦獲姪孫謝建業聘請外傭貼身伺候，起居飲食照顧周到。卿姐透露自兩歲起便親手將姪孫撫養長大，如今後輩極之孝順，更每月奉上一萬元家用：「我全部用晒唔夠就自己再拎兩萬出來，總之平又食貴又食，最緊要大家開心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
