女人第六感神準 偷睇前任電話揭發異樣
當主持伍詠薇追問朱智賢，當時為何情緒會如此波動及不開心時，朱智賢直指與前任的關係出現了嚴重問題。她剖白：「本身其實好 sweet 嘅，之後就發生咗啲事，自此所有嘢都變晒，因為我開始變得無安全感。」
她進一步詳細描述當時的懷疑過程，暗指對方行為有異：「我一直都好信任佢，中間可能已經開始有懷疑，女人嘅第六感好準，開始感覺到有啲習慣改變咗，或者成日都唔見人唔得閒，但一直都同自己講，唔應該睇人哋電話，千祈唔好睇，最後就睇咗。」這番言論，無疑是強烈暗示她透過查看電話，發現了前任不可告人的秘密。
誤信黎振燁分居謊言 揭2020年記招受擺佈
正因為當時與謝東閔關係極差，朱智賢坦言自己長期處於低能量狀態，結果被主動接近的黎振燁「乘虛而入」。她坦承曾要求對方先處理好感情問題，但最終仍抵不住對方的甜言蜜語：「佢同我講話佢同太太分緊居，搬返去媽咪度住。只可以怪自己白痴相信囉，係我自己有問題，我啲 friend都成日話我咁容易信人。」
提到2020年4月29日與謝東閔在將軍澳電視城舉行的道歉記者會，朱智賢直言當時完全是受公司擺佈：「當時其實自己個人好亂、好慌，完全唔識得點處理，同埋你會blank咗。公司叫你做咩你就會做，你只會點頭去跟住做。」她坦言根本不想開記招，亦不知道出到去該說什麼，最終由公司安排謝東閔主導及出言維護。
被批「渣男磁石」 寧要好老公放棄拍劇
當年事業受重創遭「雪藏」一年，朱智賢表示自己等拍劇的機會等了很久。節目中，堪輿學家唐碧霞斷言她擁有「渣男磁石」命格，極易吸引花心男，這與她偏好外表帥氣、懂甜言蜜語的男性有關，朱智賢亦承認抗拒宅男。最後被問到若有一個有錢專一的好對象，但代價是放棄拍劇會如何選擇？她毫不猶豫地回答：「唔會變心？咁我揀嫁嗰個好過。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
