曾拍過多部經典處境劇的鄧兆尊，日前現身YouTube網上節目《3寶channel》大談業界現況，更毫不留情地點評《你的保安李寶安》犯下的幾個致命傷，包括用人失策、場景單一、設定離地等。
鄧兆尊批對手接不住戲
鄧兆尊直言電視圈有新競爭是好事，但是他認為《你的保安李寶安》在用人上出現很大問題。他大讚男主角李尚正（阿正）是不可多得的「橋王」，如今卻有大材小用之感，皆因同劇演員根本接不住阿正的節奏：「佢要帶住一班好新嘅人……我唔係話啲對手唔好，各人都有自己優點，但係睇完之後覺得佢哋未好表達到自己個角色，未夠準繩呀！好多都係為講對白而講對白，嘥咗囉！」
場景離地不懂就地取材
除了演員火花不足，鄧兆尊亦批評劇本架構鬆散：「我覺得劇本鬆散咗啲囉，如果我演保安，我都落去保安室了解吓，到底佢哋有咩傾緊……或者做緊咩，問吓趣事，收集啲故事嚟寫，好過而家整句對聯，大家都用唔同嘅對聯，成場戲就悶晒啦嘛！」他亦認為編審資料搜查做得一般，對劇集場景貧乏感到不解，認為製作團隊不懂善用資源。鄧兆尊透露無綫通常一星期趕拍五集，週末集中出外景，平日則留守電視城拍廠景，每日穿梭兩至三個固定廠景拍攝，流程緊湊高效。
主角月薪制埋下致命硬傷
節目中，主持曾志豪指出，劇組未播先將前四集上架YouTube，每集僅得20分鐘，根本不夠時間讓觀眾摸熟人物背景，加上演員檔期緊迫，全劇暫定只能拍50集，編劇完全沒有空間慢慢鋪排起承轉合。對此，鄧兆尊隨即點出關鍵問題：「阿正同妹頭係攞緊月薪。」曾志豪亦補充，在固定月薪制之下，兩位核心主角拍得再多亦不會有額外報酬，電視台自然會分派他們兼顧其他通告工作，導致拍攝檔期更加支離破碎。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
