

陳自瑤台慶前夕捱夜簽名到凌晨 連簽數百張力證絕無「代簽」
陳自瑤上載短片,並寫道:「台慶前一天還簽到好晚」。片中所見,陳自瑤坐在木枱前,面前擺滿一疊疊寫真照,見她正拿著金色及黑色筆逐張埋頭苦簽。對於有工作人員講笑問道:「你請咗幾多個代簽呀」,陳自瑤哭笑不得地回應:「唔想答你呀」,更無奈拍枱急澄清:「喂呀,你唔好咁講不如掉轉角色呀,你簽呀,你可唔可以(簽到)一模一樣呀完全?」她苦笑感嘆無可能簽到一模一樣:「梗係唔得啦,就算我自己都做唔到呀,我講真。」她更即場翻出桌上大堆已簽好的照片,可見每張簽名都有出入,難以做到完全一樣,但就重申每張均為親手所簽,絕非印刷複製。
陳自瑤簽到手抽筋仍微笑回應 無奈嘆:我真係唔知點講
為了趕在出貨前完成所有簽名照,陳自瑤在TVB台慶前夕依然捱夜簽名至凌晨1點半,由於短時間內連續簽名數百張,她甚至簽到一度手抽筋:「還好啦,所以簽下要唞下,隻手會好攰囉,手一攰就抽筋,佢就控制唔到。」對於有網民質疑黑色筆簽名照是「印簽」,陳自瑤大感無奈:「似印咩?不過可能有啲似,呢個紙質再加呢支筆,真係好似印喎,我真係唔知點講,你自己睇下。」而在台慶結束後,陳自瑤就趁等車的時間繼續簽名,相當落力!短片曝光後,不少網民紛紛留言力撐陳自瑤敬業又真誠:「助農是初心,簽名照是意外福利。希望這個世界的善意多一點吧」、「其實一模一樣才不正常」。
本文作轉載及備份之用 來源 source: http://www.hk01.com
|
鍾意就快D Share啦!
|
|
|


