掃呢頁CODE去手機

2026年11月21日 星期六

Bob回應俞可程隱瞞戀情「扮單身」 被踢爆失誠信只會「好肉酸」 #Bob #俞可程 #林盛斌

TVB戀愛真人騷《女神配對計劃2》播出以來是非不斷,先有「求愛勇者」關經翰(Oswald)被指有女友,近日「東張女神」俞可程(Kanis)又被爆疑暗撻 ...




TVB戀愛真人騷《女神配對計劃2》播出以來是非不斷,先有「求愛勇者」關經翰(Oswald)被指有女友,近日「東張女神」俞可程(Kanis)又被爆疑暗撻已婚TVB導演兼當街攬錫,隨即惹來「扮單身」騙局質疑。擔任節目「金牌媒人」的林盛斌(Bob)昨日(19日)作客陳倩揚與容羨媛主持的YouTube直播節目《東岸西岸 LIVE》,正面回應節目參加者是否必須單身,並力撐Kanis並非欺騙觀眾!

林盛斌(Bob)作客《東岸西岸 LIVE》,親自為《女神配對計劃2》一連串「扮單身」風波解畫。(截圖)


Bob強調節目組開拍前必會再三確認所有男女參加者均屬單身,絕不容許有另一半的人士參與。(截圖)


強調開拍前必問清感情狀況 「唔可以呃觀眾」

直播中,陳倩揚與容容直問《女神配對計劃2》參加者是否一定要單身,Bob即斬釘截鐵表示,無論男女參加者,在面試及開拍前必定會再三確認對方沒有另一半。他直言:「一開會或者私底下、面對面都好,都有講過:『你真係要單身,你真係要冇男朋友或者冇另一半。』」

Bob透露《女神配對計劃2》目前僅餘最後一集「終極告白」尚未拍攝,大結局動向備受關注。(陳順禎 攝)


對於有追求者或「收兵」的情況,Bob指這類未正式拍拖的狀態不算違規,但若本身已是「in a relationship」(戀愛中)就絕對禁止:「真係要in a relationship嘅,係真係唔可以嘅。我話第一你唔可以呃觀眾,第二你都唔會呃自己啦,因為如果你呃自己嘅話,俾人踢爆你,話『喂,扮嘢啦,我當時就係同你拍緊拖㗎啦』,到時你好肉酸,衰嗰個就唔係我哋,衰嗰個係你自己,要負返嗰個誠信,即係冇就係冇,有就係有,真係唔好講大話。」

幾位女神穿上泳裝到水上樂園拍攝。


回應俞可程當街親熱傳聞 推測只係「著高踭鞋扶一扶」

提到昨日爆出俞可程疑與TVB男導演在街頭挽手纏綿的新聞,Bob坦言朝早一起身打開電話已看到報道。雖然他強調個人立場不代表節目組,亦尚未向Kanis本人求證,但他選擇相信對方當時是單身,並為該親密舉動解畫:「我相信唔會呃我哋,亦都唔會呃觀眾。真係可能係做嘢或者出出入入嘅時候扶住,著高踭鞋呀又點樣,扶一扶就係呢個動作。即係我有時出去做嘢見到啲女仔,著住嗰啲高踭鞋,可能扶一扶、擋一擋,gentleman gesture咁嘅啫,冇去到話喺架車度咁好親密,我又見唔到啦。」

談及「東張女神」俞可程(Kanis)被爆疑暗撻TVB導演,Bob直言相信對方並無欺騙觀眾。(IG@kanissyu)


貼心等埋俞可程。(受訪者提供)


俞可程繑實男方隻手。(受訪者提供)


俞可程繑實男方隻手。(受訪者提供)


好親密。(受訪者提供)


Bob進一步分析,節目拍攝期間難以禁止其他異性在現實生活中追求「女神」,只要未正式拍拖便不算欺騙:「喺呢個過程,會唔會拍緊嘅過程有另外一啲男仔追求呢?呢個就唔能夠防止㗎嘛。只不過可能拍緊呢個過程,又咁啱同個男仔去街,跟住又見到咁嘅情況。我唔覺得去到佢有欺騙網民同埋呃人嘅情況囉。如果真係有(另一半)嘅話,佢哋真係唔可以再拍落去啦,老實講。」

對於被指「扮單身」風波,Bob直言若參加者隱瞞戀情被踢爆,最終損失個人誠信只會「好肉酸」。(IG@kanissyu)



本文作轉載及備份之用 來源 source: http://www.hk01.com
鍾意就快D Share啦!