
今晚(20/11)鄧凱文現身出席慈善活動,並就俞可程事件接受《香港01》訪問,大談對事件的看法及兩人私下的真實交情。

醜聞累及《女神配對2》要刪戲?
對於俞可程因醜聞潛水多時、缺席昨晚台慶,甚至有傳連累《女神配對2》製作組需要重新剪片,鄧凱文受訪時表示,明白外界議論紛紛,但認為現階段未能完全證實傳聞的真偽。被問到為何俞可程遲遲未有現身回應,鄧凱文坦言:「可能人哋唔知點答,同埋其中尋日台慶都係一個大日子吖嘛,公司嘅生日,咁我覺得我哋就係要講TVB Happy Birthday多啲囉!」
至於《女神配對2》會否因刪減俞可程戲份而影響整個製作團隊的部署,鄧凱文則表示自己並非「女神」參賽者,只是擔任「花生團」嘉賓,因此不清楚具體剪輯安排,但透露《東張》團隊氣氛未受影響:「我諗應該未必,依方面我唔清楚,因為我只係《花生團》,我唔係《女神配對》。但係我諗《東張》佢(哋)都大家係冇嘢嘅、OK嘅。其中我都唔係女神入面嘅一份子,如果我係女神我就可以話畀你聽」
笑評曾展望「減騷錢」懲罰論:公司只會加你錢!
曾展望(GM)認為有慌報單身參加真人騷《女神配對計劃2》應被「減騷錢」作為懲罰。當被問及這項懲罰對俞可程而言是否合理時,鄧凱文忍不住笑言覺得曾展望的說法相當耐人尋味:「我覺得GM咁樣答就好虛無囉!因為公司點會減騷錢㗎公司只會加你錢,係唔會減你錢㗎,所以我睇唔透呢件事嘅。」
劃清界線認「唔熟」 力撐空降「魔音女團」全憑實力
鄧凱文與俞可程同屬《東張》主持,亦曾一同拍攝《女神配對》系列,外界普遍以為兩人私交甚篤。然而,鄧凱文在訪問中卻大方「劃清界線」,直言兩人私下其實並不熟絡,對其感情生活更是一無所知:「佢哋唔係好熟嘅咋!平時見面會Say個Hello囉,但因為我唔係個個都係同事嘅關係囉,唔係話好多嘢講,所以我就完全唔知佢嘅私人狀況,任何感情嘢我都唔太知,連佢啲仔細嘢都唔知,剩係見過佢家姐囉,因為喺《花生團》嘅時候。」
此外,近日有網民翻舊帳,指早前無綫推出15人「魔音女團」時,俞可程突然以「第16人」姿態壓軸登場,質疑背後是否有「導演特別優待」安排她搭尾班車。對此,鄧凱文隨即為對方平反,認為全因俞可程早前的唱歌片段在網上點擊率極高:「但因為嗰個係最高流量嘅,佢嗰條片係最高流量點擊嘅,所以我就認為呢一個就應該真係憑佢實力嘅!我諗應該唔會獲導演優待嘅,咁勁嘅咩原來?可以嘅咩?我就唔知,應該唔可以呀!」
本文作轉載及備份之用 來源 source: http://www.hk01.com
|
鍾意就快D Share啦!
|
|
|


