掃呢頁CODE去手機

2026年11月17日 星期二

英超Fever:曼聯12億預算 肥普冬窗召喚4舊部 #曼聯

肥普冬窗召喚4舊部。普捷天奴即將入主曼聯,除咗重整踢法同加強訓練,明年1月轉會市場重開肯定會買人,據報會方嘅增兵預算係1.2億鎊(約12.4億港元), ...




肥普冬窗召喚4舊部。


普捷天奴即將入主曼聯,除咗重整踢法同加強訓練,明年1月轉會市場重開肯定會買人,據報會方嘅增兵預算係1.2億鎊(約12.4億港元),由於時間緊迫,肥普將會搵番4個舊部幫手救亡。


普捷天奴近年教過熱刺同車路士。又帶過美國隊打入今夏世盃16強,「轉會專家」羅曼諾報道,曼聯高層承諾冬窗增兵,首個斟介對象係富咸29歲美國左閘安東尼羅賓遜,此子係肥普執教美國隊核心成員,肥普打算搵佢去曼聯打天下。


今期增兵預算,曼聯籌集資金其中一個途徑,就係出售利辛度馬天尼斯,所以到時要再搵新中堅,水晶宮26歲美國中堅基斯李察士係理想人選,此子明年夏天合約到期自由身離隊,轉會費唔太高,又係肥普嫡系,fit晒。


前鋒亦會增兵,肥普嘅目標係摩納哥美國前鋒科拿連巴洛根,呢位25歲射手係阿仙奴出身,今屆世盃有出色表現,今夏愛華頓斟過佢,但冇下文,依家肥普喺曼聯,巴洛根埋位就最啱。


最後係中場,肥普就唔搵美國國腳,屬意熱刺中場干拿加歷查,此子係肥普執教車仔時期愛將,彼此熟悉,嚟到曼聯,肥普仍希望由該26歲中場領軍。


足球博彩神器,每日重心提供盡在《彩報》:http://win.on.cc/football/ 

本文作轉載及備份之用 來源 source: http://hk.on.cc
鍾意就快D Share啦!