熱爆娛樂: 2汪

顯示具有 2汪標籤的文章。顯示所有文章

2019年7月11日星期四

【黑心陪月2汪】Ata Wong 個account話咁快又俾人port咗了

Ata Wong 個account話咁快又俾人port咗了! 唔緊要，我哋再接再厲！
*****************************************

早前我已經寫過一篇文章，推論二汪根本從未做過陪月。

其實，齋睇二汪幫bb換衫嗰两條片，已經有好多讀者覺得：二汪用咁嘅手勢去應付陪月課程考試實肥佬、似乎係完全唔識、應該連學都無學過。

學。都。無。學。過。

正所謂三個臭皮匠，勝過一個諸葛亮。其實我一直對二汪嘅「陪月證書」毫不在意，因為就算有，都完全唔代表啲乜囉。但谷友Erica一言驚醒夢中人：「真係有證書就話冇用啫，但如果係冇證書嘅，嘿，咁就好有用了。」真真如醍醐灌頂！於是我同幾位谷友開始追尋二汪證書嘅真偽。

圖一：呢張係二汪發過俾某客人嘅ERB陪月證書。證書字體模糊不清，只有學員名字出奇地清楚，”LEUNG YEE MAN” 同 ”Z5454” 呢幾個字體亦有異常，同證書上嘅其他字體唔吻合。Btw，二汪身分證上嘅黑線係我加上去嘅，紅心係二汪自己加嘅，存心要隱瞞自己年齡，方便到處報大十年。

圖二：谷友响網上搵到嘅ERB證書樣板。無獨有偶，两張證書嘅課程日期係一。模。一。樣。嘅，同樣係2008年12月8號到2009年1月8號。睇到呢度，我已經嚴重懷疑，二汪係响網上搵到呢張ERB證書樣板，然後自己加工整張圖一出來。的確，圖一嘅 LEUNG YEE MAN同Z5454嘅上方，都有一條線，似係剪紙被影印出嚟嘅痕跡。

圖三：秉承本谷Fact check嘅精神，我發咗電郵向ERB查詢，但一周後仍未有回覆。

圖四：ERB回覆谷友Erica嘅電話查詢，話因個人私隱問題未能向我哋提供資料。各位媽媽以後請陪月真係要小心，一定要要求睇證書正本，並要求該陪月要俾written consent你去ERB查證證書真偽。

圖五：有谷友提供另一個查證陪月證書真偽嘅辦法。

圖六：果然！之前同二汪有合約關係嘅客人，用二汪合約上提供嘅身份證號碼，响陪月一站內嘗試登記，系統回復係二汪冇入讀ERB課程嘅相關記錄，不符合陪月一站登記資格！

圖七：谷友Erica再向ERB fact check，ERB回覆，只要係陪月一站識別唔到嘅，就一定冇讀過ERB嘅全日制陪月課程。而二汪响客人提供嗰張ERB證書，就係128小時全日制陪月課程嘅。

根據各方面證據顯示，我絕對有理由懷疑，二汪唔止從未做過陪月，佢連陪月課程都未讀過，如果係咁，證書自然亦係偽造。偽造文書，同詐騙一樣，係刑事罪行。

100毛
林日曦
#陪月二汪

2019年7月4日星期四

【黑心陪月2汪】天網恢恢，疏而不漏，居然有谷友翻錄咗呢條片！. 2汪, 陪月2汪, 陪月員, 黑心陪月2汪

天網恢恢，疏而不漏，居然有谷友翻錄咗呢條片！

嗱，即係咁，如果你唔識包餃子，但又周圍同人吹話自己識，咁你人生嘅第一天條一定係：唔好接受灣仔碼頭嘅邀請，拍片教人包餃子！二汪真係愚蠢又狂妄，明明冇料，但仲敢拍片扮四條，當全世界人係傻仔，完全唔覺得自己會露底🤦🏻‍♀️。

一睇片頭，二汪根本連抱B都抱得唔穩，阿B個頭更加係完全冇承托。二汪當個B公仔咁舞，完全冇陪月對新生兒應有嗰種謹慎同溫柔。呢個女人話自己做咗十一年陪月？！我。唔。撚。信。囉。

包布手法更係睇到我傻咗！吓？二汪咁樣求其包两下，包埋個b就算㗎啦？阿b一踢腳就散哂啦！同啲小朋友包公仔有乜分別？！如果係咁駛鬼呢隻肥嘢教咩！自己上you tube搵片睇就得啦！俾大家睇吓咩叫專業人士包被教學：

呢條片證明我整嗰條案件重演，除咗唔記得hea攝起條包布尾之外，真係還原咗九成二汪嘅包布精髓㗎（即係隨便亂9咁包）

睇完呢條片，更加印證本谷之前嘅一個推論：二汪响舊年4月開page前，根本從來都冇做過陪月：https://hittt.blogspot.com/2019/06/2_54.html

#二汪話包布好容易喎
#好似佢咁包到一pat嘢咁梗係易啦
#呢個就係坐擁十萬粉絲出書上電視見報嘅香港最紅星級陪月二汪
#要搵呢個星級陪月幫你阿b包布要早一年book定喎
#仲會整甩阿B臍帶然後話阿B自己踢甩嘅
#五月報價盛惠三萬六24日
#星級係講緊價錢
#陪月二汪

2019年6月30日星期日

【黑心陪月2汪】之前提過嘅另一位受害人T太

#之前提過嘅另一位受害人T太
#同Yankee撞期嘅
#T太4月9號Yankee4月22號
#仲要係臨時3月22號先簽約嘅
#二汪應該好desperate等錢洗
#買餸打斧頭斷正
#唔怪得Yankee伙食二萬四
#二汪絕對係假陪月
#乜都唔識做
#整甩bb臍帶後即潛水
#淆底
#合同更係不知所謂
#有預謀嘅詐騙犯
#陪月二汪

【黑心陪月2汪】第四位6月媽媽嘅預產期係6月7號第二集

#第四位6月媽媽 (簡稱四媽)
#第二集

之前有另一位6月媽媽之一嘅C小姐，硬食了二汪只有一、两年經驗嘅「師妹」，師妹自己有提過，二汪當時臨忙臨急請佢嚟，答應嘅工資係$28000。

2019年6月29日星期六

【黑心陪月2汪】第四位6月媽媽嘅預產期係6月7號第一集

第四位6月媽媽嘅預產期係6月7號，即係同其他三份合約Yu、Sum同C小姐係撞正晒嘅，所以佢成為咗第四位六月媽媽。點解會有咁多六月媽媽？因為二汪係七月開始紅，咁咪多八九月大肚啲準媽媽搵佢囉，全部啲預產期都係六月頭嘅。

2019年6月28日星期五

【黑心陪月2汪】事主個案:事主D: 簽訂陪月協議, 二汪嘅服務日期為2019年6月5日開始黑心陪月2汪, 陪月2汪, 陪月員

【黑心陪月2汪】事主响懷孖胎六個月嘅時候不幸小產

#為表尊重
#請大家響閱讀前放下食花生嘅心態
#請勿試圖猜測討論事主係邊個
#以下内容由事主口述admin筆錄
#寫呢一篇嘅時候我一路寫一路起雞皮個心一路痛

************************************
事主响懷孖胎六個月嘅時候不幸小產。由於做咗引產，身體一樣有所損耗。醫師建議事主一樣要坐月，一樣要食薑醋補身。

二汪要求事主一定要買荃灣嘅悅和薑醋，事主好聽話，山長水遠都去買醋返屋企。而薑方面更係大費周章，事主朋友嘅媽媽，响新界自己有種田，事主朋友好有心，特登叫家人留起十斤八斤自家種值嘅有機薑，真係有錢都買唔到。萬事俱備，就等二汪落手準備薑醋了。

一般嘅陪月員，會响自己屋企整好薑醋之後，成煲拎去客人屋企，對客人來講簡單又方便。而二汪向其他客人聲稱都係咁做嘅，仲會批薑皮俾產後媽媽沖涼用。（隨後二汪遭踢爆，薑皮係買現成嘅， 80蚊一包大大包。）

但係見到事主屋企有工人，事主份人又隨和，二汪就有風駛盡𢃇，直頭就喺事主屋企準備薑醋，最花心神嘅步驟：批薑皮，二汪點個工人搞掂。二汪自己十指不沾陽春水，乜都唔使做都算啦，仲要成日放飛機唔出現，純醋係要煲好些日子嘅，基本上都係事主同工人兩個自己搞掂。二汪話薑皮同薑都要放响露台曬，曬咗十幾日，再放落煲醋度，話要索醋唔知幾多幾多日先可以落豬腳，搞左成個月煲薑醋仲未食得。到買好豬腳要落嘅時候，二汪同事主講，煲醋已經壞咗，唔知點解，已經十幾日，但係啲薑都冇索到醋，亦都發唔大。事主又驚又怒問二汪：「你唔係話自己好資深，有多年陪月經驗嘅咩？有乜可能會搞唔掂一煲薑醋㗎？」以前寫開鬼故嘅二汪回答：「個B唔好，煲醋就唔會好。係咁架，呢煲醋就等於你個BB。」事主嘅心往下一沉，彷彿沉到十八層地獄裡去。順住二汪嘅說話，事主又問二汪：「咁响你十年嘅陪月經驗裏面，有冇遇過同樣嘅情況？」二汪諗都冇諗就答：「有！個媽媽好似你咁，生唔出㗎！」

以下由事主親述：「我死咗兩個仔，本身已經痛不欲生。聽埋佢咁講，就好似俾把刀插入我個心一樣。我不停怪責自己，都係自己唔好，死咗兩個仔，所以個天連薑醋都唔俾我煲得起。嗰一刻，我真係好想跳樓，一死了之，實舒服過咁樣不停煎熬。」

直到事主見二汪被踢爆咁多衰嘢，先開始抽絲剝繭，繼而發現，二汪根本由始至終都立心不良，更加唔係乜嘢經驗老到嘅陪月員！薑醋煲唔成，根本就係二汪廚藝唔掂，加上冇乜煲薑醋嘅經驗。事主工人後來更話俾事主聽，見到露台嗰啲薑同薑皮，有啲都已經發咗毛，有啲仲坳緊蟲！其實好彩煲薑醋煲唔成，如果唔係，身體虛弱嘅事主真係唔知會食咗啲咩有害物質落肚。二汪為咗掩飾自己嘅過錯，想令事主以為，薑醋煲唔成係上天嘅懲罰；但其實係兩個仔仔冥冥中在守護媽媽，唔俾媽媽食黑心陪月煮出嚟嘅有害嘅嘢。

幸好事主身邊有好錫佢嘅老公、家人、朋友，仲有好好嘅醫師幫佢調養身體，事主嘅復完進度非常好。
*****************************************
睇到呢度，睇到事主已經完全康復走出陰霾，又再睇吓而家二汪有幾折墮，印證咗，天，真係有眼㗎。