掃呢頁CODE去手機

2013年5月22日 星期三

阿倫陪拔尖仔牛津面試




曉風愈大愈型仔,有幾分阿倫後生時嘅風範,不過就係因為有個出名老豆,搞到返學俾班同學仔排斥。阿倫見個仔讀到書,陪曉風飛到英國牛津面試。

FBI

阿倫陪拔尖仔牛津面試

譚詠麟同女友 Wendy所生嘅寶貝仔譚曉風,被廣播處前副處長吳錫輝唔覺意爆料,以尖子成績報考牛津大學,阿倫護子心切,即刻解釋只係呢位 uncle飲醉酒、亂講嘢。

其實阿倫多年來「收埋」曉風,都係因為唔想影響兒子喺學校跟同學嘅關係,不過自從身份曝光之後,曉風喺學校真係過得唔係太開心, FBI聽聞阿倫把心一橫,一家人都決定送曉風到英國讀中學。而傳聞佢考 GCSE(英國中學會考)亦係喺英國考, FBI仲八到 3月初阿倫飛咗去英國,陪住 17歲曉風牛津面試,𠵱家等緊消息,相信阿倫好快會有好消息公布!

阿倫一向好小心,甚少被影到一家三口。對上一次已經係 2010年,當時曉風得 14歲咋!

牛津係全英排名 No.1嘅大學,霍家大少霍啟剛亦畢業於牛津,如果曉風成功考入,真係光宗耀祖。



鍾意就快D Share啦!