基爸出動
9月 12日早上 11時半，鄭中基放假一早起身湊女放學，難怪令身旁的餘思敏笑到甜入心啦！
娛樂喧
老爺恨抱男孫 鄭中基餘思敏急補身再造人
鄭中基前年與餘思敏生了寶貝女 Emma後，不但戒煙戒酒戒夜蒲，還勤力接戲搵奶粉錢，做個洗底爸爸。日前他不用開工，與餘思敏齊齊去幼稚園接囡囡放學，三人行場面溫馨，鄭中基慈父一面盡現。
爺爺鄭東漢眼見已兩歲的孫女 Emma愈大愈精靈，心急想再抱孫。餘思敏為達成老爺心願，早前開始調理身體，仲拉埋鄭中基一齊去睇中醫補身，兼且「不設防」努力造人，希望快再為鄭家添丁湊成一個「好」字。
2010年，鄭中基與前有線主播餘思敏拍拖不久便報喜，翌年 7月誕下愛女 Emma。餘思敏產女後在家專心相夫教女，鄭中基就不停工作搵奶粉錢。今年 7月他接拍了新戲《猛龍特冏》，本月再與吳君如合演穀德昭執導的賀歲片《六福臨門》。分身不暇的他一有空檔便留家照顧女兒。早前他看到女兒失重心向後跌，緊張得飛撲上前護女，結果撞斷了自己的鼻骨，家庭已成為他的第二生命。
湊女大陣仗
當日鄭氏夫婦接囡囡放學頗為大陣仗，除了父母傍實，又有工人孭書包，同場仲有餘思敏媽咪（圓圖），一家幾口樂也融融。
罕現慈父 look
本月初 Emma開始上學前班，愛女心切的鄭中基， 9月 12日不用開工，首次到幼稚園一嚐接囡囡放學的滋味。當日早上 11時，他隨餘思敏一同到海怡半島的維多利亞幼稚園接囡囡放學。在學校門外罕有看到爸爸的 Emma，即時露出歡欣笑容。不過女兒還是黐媽媽多一點，行去上車的 5分鐘路程， Emma像樹熊上身攬實餘思敏。
老爺下密旨
現場所見， Emma與爸爸鄭中基如同餅印，肥嘟嘟的她人見人愛，難怪深得爺爺鄭東漢歡心。據知鄭東漢眼見 Emma已兩歲大，希望鄭中基再為鄭家開枝散葉，恨抱男孫恨到出口，更已下了「生孫令」。據知情者透露：「 Emma出世後， Ronald（鄭中基）成個唔同曬，依家乜都以個女行先。老爺（鄭東漢）覺得係個新抱同個孫令個仔變得成熟，加上佢一直都恨抱男孫，所以咪開口叫 Ronald生多個囉！老爺開到口， Sammie（餘思敏）即刻自己走去睇中醫，再叫工人燉補品老公食。早前佢喺一個朋友聚會上仲大讚 Ronald係好老公，即使忙到連休息時間都唔夠，都肯抽時間同佢睇去中醫調理，佢哋已經開始『不設防』。」
本刊 9月 3日在中環置地發現餘思敏，與其父母及妹妹閒逛。當時她身穿黑色鬆身衫加平底鞋，孕味甚濃，看來隨時有喜訊公布。
本周二（ 24日），鄭中基在電話中回應：「阿爸係有開過口想再抱孫，我哋都有諗過，但囡囡依家好黐身，驚佢會呷醋，隨緣啦！我同 Sammie唔覺得有壓力喎。（係咪想湊個『好』字？）再生唔一定係仔嘅！」
星級 BB班
維多利亞幼稚園於 1965年由丁毓珠及李丁毓娟創辦，專聘外籍老師任教，現設有 1間中小學及 9間幼稚園及幼兒園。學生即使不直升其位於深灣的直屬滬江維多利亞學校，亦大有機會入讀其他神級名校如喇沙小學、嘉諾撒聖心學校、聖約瑟小學、聖保祿天主教小學等。
鄭中基女兒 Emma現時只有兩歲，讀的是學前國際小組班，採用粵語、英語及普通話兩文三語教學，以分流形式帶領孩子小組學習，打好語言基礎。逢星期一至五上午返三個小時學，學費每月$5330。學費高昂，但仍有大批明星富豪家長追捧，包括李澤鉅、劉鑾雄、吳君如、歐陽妙芝、成龍、呂良偉、林嘉欣、楊婉儀等等。
大劉劉鑾雄囡囡劉秀樺（左下圖）和範薑囡囡鍾懿（右下圖），同樣入讀維多利亞幼稚園，不過是位於北角的分校。咁多名人二代讀，鄭中基果然識揀。
|
鍾意就快D Share啦！
|
|
|
