假的真不了！（設計對白）
真的假不了！（設計對白）
《蘋果日報》圖片
媽咪姐
菲鵬假離婚！？
近年強國盛產假嘢，假蛋流到冇朋友、奶粉食到 BB變大頭 B、連羅浮宮門券都可以弄假，咁都算喇！日前竟然爆出王菲同李亞鵬喺烏魯木齊離婚係假嘅！等媽咪姐分析吓堅唔堅先！
9月 13日黑色星期五，王菲突然喺微博公布同李亞鵬離婚嘅消息，之後就有網民影到佢哋現身烏魯木齊市民政局，更指兩人辦理緊離婚手續。當時菲鵬身處獨立房間，似有專人服侍。就係咁，網民質疑菲鵬享有特權而紛紛插爆。當局為咗自保，公開發聲明話從未為菲鵬辦理過離婚手續，之後就出現假離婚嘅傳聞喇！
媽咪姐收到風，所謂嘅「離婚照」，只係菲鵬處理普通文件嘅相。真正嘅離婚地點，其實係烏魯木齊沙區法院至真。再講吖，經歷咗愛與痛的邊緣嘅王菲，早前親口承認係佢主動提出離婚，佢亦幫李亞鵬澄清埋小三嘅事。既然天後金口一開，睇嚟離婚一事真的假不了喎！
|
鍾意就快D Share啦！
|
|
|
