掃呢頁CODE去手機

2013年9月27日 星期五

有聲有真相之徐子珊失憶?




(中秋去咗邊呀?)開工囉!(真實對白)

娛片頭

有聲有真相之徐子珊失憶?

近年大家都話「有圖有真相」,但有時聽吓啲藝人講嘢,仲過癮呀!嗱,今期推介,必睇徐子珊與電影幕後熟男茶敍後嘅回應段片。

現場錄音,聽到記者問阿珊姐中秋點過時,佢最初口爽爽話開工囉,冇約過人。但後來記者話有人見佢同熟男茶敍,珊姐忽然「失憶」喎!話唔記得啦、醒唔起呀!跟住反追問記者有冇影到相?到見到相後,仲即時忟憎㖭。 Well,唔使忟嘅,下次同猛男飲豬腦湯補吓囉!

哦……𤓓咗㖭!(設計對白)

吖,豪門真係鬼馬!

唔瞞大家,媽咪姐雖然嫁唔到入豪門,但就成日留意住啲豪門新聞㗎!好似賭王四房咁,淨係中秋都要爭檔期做節,忙到呢。睇見局住出席嘅超儀真係有啲面燶燶,加埋啲抵死配音。吖,又幾 funny喎!

狗狗嘆到呢!

睇完複雜嘅人類,最好就睇番啲得意動物片,洗滌吓心靈!今期《忽周》介紹「狗狗茶餐廳」,就咁聽以為好街坊,實質不知幾咁 grand,狗狗嘆 high tea,隻隻跳跳紮,勁 happy。而且啲食物靚到呢,媽咪姐都差啲想食番件呀!



鍾意就快D Share啦!