樂基兒恢復夜蒲

肥咗又黑咗嘅 Gaile上月初至返咗峇里滑水，話咁快就返咗嚟香港出席活動。佢仲話𠵱家已經忙緊年尾即將推出嘅自家珠寶，靠自己搵錢。

FBI

樂基兒恢復夜蒲

冇喺香港露面一排嘅 Gaile，上週三（ 25日）又返咗嚟搵錢，出席一個時裝品牌活動，着上連身裙嘅 Gaile，感覺上肥咗少少，而且又黑咗啲，不過甜美笑容搭夠， 33歲嘅佢仍然好鬼索！

講番活動當晚，完場後 Gaile同男友人去到中環都嗲利街一幢商業大廈，而一齊出席活動嘅陳冠希都有落嚟， FBI聽聞佢哋應該係去活動嘅 after party，成班人玩到淩晨一點嘅， Gaile就同男友人一齊落樓，再一齊上車，最後仲一齊返咗上水葡萄園。咦， Gaile以前同前夫住上水 St. Andrew's Place，好近喎！ Gaile感情事大家向來好關心，不過照 FBI當晚所見，呢位同 Gaile一齊返歸嘅男友人，應該只係 friend啫！冇咗黎明監管， Gaile想玩到幾點就幾點，想點玩就點玩，好 happy！

去完 after party梗有幾杯落肚，著住 5吋高踭鞋嘅 Gaile企唔穩要捉住友人，不過友人反應過於冷淡，仲好快咁轉身準備上租返來嘅七人車，搞到 Gaile要扶住條柱嚟行。

蒲精 Edison又點會冇份去玩？ Gaile剛到埗 10分鐘唔夠，就見 Edison急急腳行上樓喇！

Edison陪玩

淩晨 2點前司機安全送咗 Gaile同男友人返上水葡萄園，而男友人亦冇離開過間屋，莫非 Gaile話暫時寄居喺朋友屋企，屋主就係呢位男友人？

鍾意就快D Share啦！

下一篇 》