掃呢頁CODE去手機

2013年10月9日 星期三

娜姐深圳做胸圍女王




Avis日日同 Yumi微博曬恩愛,娜姐都有新歡,早前被爆搭上關楚耀,連娜姐自己都唔否認緋聞,話雙方「了解中」,不過 FBI就覺得似宣傳多過堅囉!

FBI

娜姐深圳做胸圍女王

舊嘅唔去、新嘅又點嚟呢?分手大半年,前度 Avis又換畫戀 Yumi,仲開埋新鋪賣潮服,娜姐周秀娜都唔弱,緋聞跳級周旋於 La Miu老闆董路同關楚耀之間,仲一樣密謀開鋪頭,同 Avis鬥得好行喎!

其實娜姐舊年入股做內衣品牌 La Miu股東,除咗全球網購,一早已經放過聲氣,話有意喺香港開旗艦店,仲親身喺 The ONE視察過環境打算租鋪位添!不過 FBI收到風, The ONE開鋪大計經已告吹,皆因娜姐有更大目標更大想頭:就係聯同董路投資八位數字、喺深圳中高檔商場「萬象城」開萬呎內衣王國,誓要打造中國版 Victoria's Secret喎! FBI多口講句,一個喺樓上鋪賣 tee、一個講緊做全國胸圍女王,完全唔同 level,好難唔分手嘅!

至於 La Miu老闆董路既緋聞,娜姐就強烈否認,話人哋有老婆,兩人關係只限生意拍檔咁話。

啱啱分手嗰排冇食慾,搞到體重急降,早排 FBI喺尖沙咀撞到娜姐,發現佢已經恢復食慾,大啖食雲吞麵。

食完雲吞麵即去買乳酪雪糕,擺明想穀肥喎。

娜姐係 La Miu股東兼生招牌,國慶廣告又係佢做主角。

原定 10月喺尖沙咀 The ONE開 La Miu首間門市兼旗艦店,不過嫌 The ONE人流唔算多,娜姐同拍檔決定投資加碼搞大佢。



鍾意就快D Share啦!