2013年12月27日 星期五

[忽然1周 961] 與時並鑽 MW,




媽咪姐

與時並鑽

人稱顧老闆嘅顧紀筠,財力深不見底,自家設計珠寶首飾多年嘅佢,近排仲搞埋陀飛輪腕錶。上周五( 20日),佢創立嘅自家品牌 KuTour揭幕,當場公開兩款最新鑽石陀飛輪腕錶,閃到眼都花埋!

鄺美雲心形鑽錶

同樣係城中富婆嘅鄺美雲,珠光寶氣撐場,閃到不得了。話曬佢都係做珠寶生意,當日梗係出動自家鑽飾,仲戴埋隻 40幾萬嘅自家設計心形鑽錶,一樣夠曬搶。

42萬 8千黃鑽陀飛輪

顧老闆嘅陀飛輪腕錶,其中黃鑽款以「颱風」為概念。佢話因為自己出世嗰陣咁啱溫黛襲港,全家去醫院探佢,避過被山泥活埋木屋嘅浩劫,特別感恩。隻錶鑲咗 VS級數黃鑽,連鄺美雲都睇中。

狄波拉藍白鑽錶

明顯悉心打扮嘅狄波拉,孖住鬍鬚 Kong一齊到場。手上戴住藍白鑽錶,鬼咁好火,不過點都唔及佢孭住嗰個紅色山寨版電話套搶。心情靚靚嘅拉姑,聽到記者問孫仔同霆鋒嘅嘢,邊行邊答︰「哈哈,咩喜事!又唔係我大肚。(霆鋒有新戀情?)同邊個?同你(指記者)呀?」明顯唔敢多事。



鍾意就快D Share啦!
Related Posts Plugin for WordPress, Blogger...