拖手曬恩愛
杜汶澤和田蕊妮結婚八年，經常二人世界。當晚二人離開酒店後，亦不忘拖手曬恩愛，雖然婚姻生活美滿，但其實他們也希望有小朋友。
娛樂喧
擸視後局拍三劇 恨 B田蕊妮生仔無期
在娛樂圈捱了足足 20年的田蕊妮，今年憑《巨輪》倀雞英一角榮登雙料視後。
事業闖高峰，但今年已年屆 36歲的阿田，其實心急造人，希望為杜汶澤誕下一兒半女，組織小家庭。加上去年患上怪病的阿澤，現時經已完全康復，絕對有足夠彈藥炮製 baby。生仔一事實在刻不容緩。
不過今時今日，阿田人氣急升，無綫當然想乘勝追擊，立即鎖定她明年檔期，安排她一口氣連拍三套劇，令她生仔大計不得不暫且擱置。上周五（ 20日），阿田出席活動時，亦無奈地說：「其實我好鍾意小朋友！」
去年杜汶澤忽然患上「米勒費雪症候群」怪病，病患者嚴重起來隨時窒息致死，當時阿澤為保性命，立即宣布停工兩個月。經過長達半年的休養期後，阿澤康復神速。據知當時他曾向醫生諮詢生仔一事，「醫生叫佢唔好再咁勞碌，因為呢類型嘅病都係由壓力帶來，冇得斷尾，如果要造人都要唞番一年半載。」知情者說。
生仔幫母沖喜
老公身體要緊，太太田蕊妮當然聽從醫生吩咐，故兩公婆亦協議 2014年才積極造人。其實二人結婚八年來，阿田一直希望可以為杜家繼後香燈。「佢哋婚後兩年，已經諗住造人，奈何當時阿澤唔生性，得罪曬米飯班主，連自己都養唔掂，又點養個細呀。」
兩年前，二人開始走出經濟困境，絕對是生仔好時機，當時二人亦做定身體檢查，確保身體適合生育。加上前年阿田母親忽然患上胃癌，加速阿田生仔決心。「田媽媽當時面對生死，叮囑阿女有仔趁嫩生，老來亦有人照顧，而阿田亦想生 B為田媽媽沖喜。」當時阿田說：「我知阿澤好鍾意小朋友，將來亦一定會係好爸爸，睇佢咁鍾意同姪仔、契仔玩就知啦！」而阿澤亦附和：「咪當我送件禮物俾你囉！我都冇乜嘢送過俾你！」可惜二人經過多番努力造人也徒勞無功。
買大屋等生仔
今次趁住阿澤病癒後，二人發力急起直追，更計劃購入物業為生仔作準備。曾炒燶海濱南岸，對香港樓市失去信心的阿澤，今年 2月忽然重鎚出擊，豪花千四萬買入大埔康樂園獨立屋。「如果唔係準備要 BB，兩個人使鬼住咁大地方咩！阿澤仲想買定架七人車，連牌子都睇定！阿田都 36歲啦，佢唔想老婆太高齡生，怕佢辛苦，所以想趁呢兩年造人，更何況兩人諗住唔止生一個。」
發力造人之際，偏偏無綫卻頒視後俾阿田，令生仔計劃又再拖延。「阿田演技當然實至名歸，不過公司俾大獎阿田，當然希望佢可以喺來年做多啲嘢回饋公司。加上倀雞英呢個角色令到阿田好入屋，唔少監製都爭住用佢，而阿田想推都難。」據知原本拍罷《忠奸人》後休息三個月的阿田，忽然臨危受命，月底便聯同三料視帝黎耀祥拍《無雙譜》，之後更連續開多兩套時裝劇。加上阿田由餘詠珊帶入行，順理成章為「餘黨」，餘已計劃幫阿田下年 3月出碟，更安排她上一系列綜藝節目。
阿田避忌回應
上周五（ 20日），阿田到將軍澳出席無綫藝員楊潮凱婚宴時，被問到生仔一事，她顯得無奈。
記：記者 田：田蕊妮
記：係咪好鍾意小朋友？
田：係呀，我係好鍾意小朋友！
記：視後都拎埋，有冇諗過快啲生 BB？
田：嘩！點會為咗個視後獎搞條人命出嚟咁大件事呀！
記：父母同奶奶有冇俾壓力?
田：（支吾以對）冇冇冇，冇壓力！
記：出年係咪要幫無綫再拍三套劇?
田：唔講啦！
記：咁幾時約滿?
田：約滿？唔……未有咁快！
捱了多年終有出頭天，阿田惟有擱置生仔，早前她更自爆夫妻閨房生活，「用避孕套囉，唔好嫌煩呀！」以示對無綫鞠躬盡瘁。
風雨同路
杜汶澤和田蕊妮早於 90年代已在亞視認識，不過杜當時與顏仟汶熱戀，因此杜田二人無緣發展。杜 00年回復單身後，隨即溝掂田，十三年來，二人經歷過大起大跌。
發跡期
杜汶澤 00年踏入影圈，在劉德華、吳君如等巨星關照下，片約接踵而來， 02年更憑《無間道》傻強一角彈起，連帶田蕊妮也有機會拍《金雞》，並獲金像獎女配角提名。忽然成名，二人生活亦愈來愈浮誇， 05年更在洲際擺酒，星光熠熠。
墮落期
二人愈使愈豪，更以友情價三萬蚊租住劉德華位於加多利山豪宅。不過杜自恃人面廣，經常口不擇言，最終連番得罪圈中好友，被迫搬離豪宅區，租住元朗平民區（圖）。缺水缺糧，兩公婆馬死落地行，杜拍無綫處境劇洗底，田亦加入無綫做配角。
|
鍾意就快D Share啦！
|
|
|
