[忽然1周 961] 木村神話失靈！《 SMAPXSMAP》 3月收檔 SMAP,木村,木村拓哉,MW,

電視台已經好努力挽救節目，本月 2號，仲超重金請咗 Lady GaGa上去，可惜觀眾唔 buy就唔 buy，冇計。幾十歲人仲要扮鬼扮馬扮 cutie，香取慎吾同草弓剪剛認真淒涼。近睇木村不單面容乾癟，更有多重眼袋，已呈現老態。

出外埠

木村神話失靈！《 SMAPXSMAP》 3月收檔

早兩日，日本娛樂雜誌《周刊實話》報道，已經做咗 17年、曾經係富士電視台皇牌綜藝節目《 SMAP× SMAP》會做埋 14年 3月就收檔啦。咁，節目嘅死因係乜呢？

令節目提早收檔原因，源於台柱木村年紀上揚，但人氣就下瀉，已經擔唔起「重任」。

據日本傳媒研究，除節目冇新意外， SMAP孭飛成員木村拓哉近年人氣下滑得犀利，劇集《安堂機械人》收視更打爛木村收視神話個齋缽。其他如中居正廣、草弓剪剛、香取慎吾同稻垣吾郎個個都已年過 4張。再加上近呢幾年嚟，日本藝能界俾韓流侵蝕得好厲害，嗰啲 90、 00後一窩蜂俾後生、高大又靚仔嘅韓國偶像攻陷，又點會有興趣去睇幾個阿加桑（日本大叔）喎！於是節目收視一路下跌，搞到廣告商紛紛打退堂鼓，情況慘烈到呢。

唉，媽咪姐可以話係睇《 SMAP× SMAP》大嘅，如果要摺埋嘅話，即係又要見證一個「偶像朝代」嘅沒落，真係好欷歔。

鍾意就快D Share啦！

下一篇 》