掃呢頁CODE去手機

2014年1月3日 星期五

[忽然1周 962] 蘇志威劉小慧愛吹水 劉小慧,蘇志威,MW,




當晚 9點幾,蘇志威食完西餐,喺餐廳門口同班夥記吹水講波經。難得劉小慧唔嫌悶,吹埋一份。見老公頭髮亂咗,仲即時出手梳番好㖭!

媽咪姐

蘇志威劉小慧愛吹水

草蜢喺《梅艷芳• 10•思念•音樂•會》上載歌載舞,帶起曬啲氣氛!不過蘇志威經營嘅舞蹈學校最近就俾學生投訴,咁啱愛妻劉小慧近日又正式復出幕前,為亞視節目《 BB日記》擔任主持人,難免令人有啲聯想,驚佢哋財政有問題。

兩公婆都話一切 OK,而身為三女之母嘅小慧,早前就同老公蘇志威去大坑撐枱腳,其間佢哋又同餐廳職員出咗門口一邊煲煙一邊吹水。小慧見老公頭髮亂咗,仲主動幫手整理,好鬼恩愛!啱啱嘅聖誕節仲去咗韓國滑雪㖭(詳見 P.22),似乎兩公婆都無俾是非影響心情喎。

劉小慧以前有名叫「學生情人」,但佢煙癮其實好大嚇。唉,戒咗佢啦!人哋阿媽。

去年 8月,蘇志威夫婦開開心心帶住兩個女去自己有份投資嘅觀塘舞蹈學校開幕禮。估唔到咁快就有是非出現。



鍾意就快D Share啦!