[忽然1周 962] 艾威撻殘張慧儀 艾威,張慧儀,MW,

扯胸

艾威一手扯住張慧儀件衫，完全唔留力，張亦專業交戲無 say no。

媽咪姐

艾威撻殘張慧儀

十年前， 43歲嘅張慧儀同拉丁舞王未婚夫霍紹裘因感情問題大打出手，佢從此唔諗拍拖之餘，仲喺內地收養 10歲養子 Hanson。

不過，張慧儀前排被曾志偉召返無綫，與李麗珍、李若彤同陳慧珊等拍《女人俱樂部》救亡。佢拍開有條癮，早前又與艾威及歐錦棠等拍攝港台嘅《新獅子山下》其中一單元《夜同行》。當晚艾威喺屯門豪宅拍攝，講佢哋兩公婆有爭執，張慘被撻生魚同推撞，不過她非常專業，完全無俾「男人打」嘅陰影影響到。好嘢！媽咪姐撐你㗎。

撻生魚

搵唔番失物，艾威將張撻落梳化。雖然只係短短幾秒鐘劇情，拍足成個通宵，而且一個鏡頭拍好多 take，可憐張慧儀不停被撻生魚。

掉轉槍頭

成個通宵不停俾人打，張慧儀拍到虛脫咁滯。不過佢哋唔使埋位嗰時仲好好傾。原來佢哋喺 TVB咁多年都未合作過，張向艾威表示支持王維基，歡迎王生搵她拍劇㖭！

喺《女人俱樂部》入面，張慧儀（左二）、李麗珍（右一）、李若彤（右二）同葉蘊儀（左一）扮學生妹，都幾重口味嚇。

鍾意就快D Share啦！

下一篇 》