2014年1月9日 星期四

[壹週刊 1244] 警察趕車 大劉避風頭 大劉,劉鑾雄,M1,




大劉躲在一角等車到。

社交圈

警察趕車 大劉避風頭

上個禮拜四,元旦翌日,大劉劉鑾雄如常到飯堂灣仔福臨門開餐,當日唔單止有阿媽劉老太、阿妹劉玉珍、女友甘比同對仔女,仲有回港度假的大女劉秀融,同埋秘書等人一齊食飯,成枱都係女人。

食咗一個鐘,大劉由秘書陪同落樓,點知撞正有交通警趕車,停慣在門口黃線、價值七百五十萬的 Maybach62豪華防彈車被迫駛走,大劉落到樓冇車坐,又唔想俾門口一班記者硬𡁻,即刻走番入酒樓 lobby,匿在聖誕樹後等候,仲吩咐秘書通知樓上未離座的甘比等人,唔好咁快落樓,免被鏡頭狂影。

等咗五分鐘,大劉車到走先,但就吩咐保安好好安排其家人離開,咪睇無表情的大劉好惡死,原來佢對一班生命中最重要的女人特別細心,潮州怒漢都有柔情的一面。

每次走人,劉家的車隊都阻曬成條路,今次就俾交通警趕車。



與姪女一齊扶住劉老太上車的劉玉珍,同仙姐品味相同(圓圖),揀埋同款不同色上衫。



大劉的霸氣不但見於其車隊,就連買 Hermes都誇過人,甘比連日孭住新出約九萬多一個的藍、紅、橙 Long Birkin逐個曬。



鍾意就快D Share啦!
Related Posts Plugin for WordPress, Blogger...