[壹週刊 1245] 別無他想 吳君如欽點 Edison口交場揸弗 Edison,吳君如,君如,陳冠希,M1,

在戲中扮口交導師的陳冠希，著住孖煙囪露點接見王菀之，單睇造型夠曬說服力。

探熱針

別無他想　吳君如欽點　 Edison口交場揸弗

陳冠希轉行開日本口交場，生意愈做愈大，甚至巴閉到連妓女都要專門幫襯取經，而一手促成 Edison轉行的，就是名震雞場的「阿金」吳君如。

延續《金雞》系列，吳君如今次做埋《金雞 SSS》監製，勁碌人情咭；黃秋生、張家輝、古天樂、王菀之、鄭中基，就連 Edison都幫她做串星，仲要露埋點，做個樣衰衰口交場大亨。

落重手

當《金雞 SSS》設定有日本口交場老闆角色後，吳君如第一個想起的便是陳冠希，自○一年和對方合作，二人再度碰頭。

「 Edison本身外形有足夠條件喺電影圈發展，呢個𡃁仔好有潛質，今次佢肯放低靚仔包袱做呢個麻甩佬角色，已經好難得；仲要佢做喜劇好到位，應該俾多啲機會佢。」吳君如說。

為開通 Edison喜劇市場，吳君如落手極重，不單要他電鬈頭髮、加深黑眼圈，還要著孖煙囪露點，娘爆造型令潮人 icon完全摧毀外，最特別為角色改了個「根本岸久」日本名。

因為吳君如，陳冠希甘願棄潮人，騎呢上身。

有份客串的 Wyman在戲中扮口交達人井口拓也，不過 Wyman食的是肉腸，不是蛋卷。

正版拓也

口交達人

除了 Edison， Wyman在戲中的角色一樣「攞命」！造型完全是爆紅中港台的口交達人井口拓也翻版，在 Edison的口交場內， Wyman憑著口技大受男女歡迎，連阿金都專登帶埋她的接班人，大胸王菀之飛日本學技，包括最殺食的「高速吸引」及「深喉嚨緊縮」兩招。

得到一眾死黨唧期做串星，令影片可以在低於預期成本內完成，初做監製的吳君如為慰勞大家出心出力，做「老細」請曬全世界又飲又食又抽獎。

席上，吳君如不忘賣花讚花香：「總之呢部《金雞 SSS》係唔同之前，今次完全係一部樂而不淫，包保笑爆嘴嘅傑作。」

慰勞宴上，吳君如同導演鄒凱光繼續三級爆笑俾人睇全相，在場不少藝人即時用手機拍低。

吳君如在圈中大把老友，單係這張合照裡頭的卡士，已經夠開拍兩部戲。

吳君如搵宇宙最強甄子丹客串，老婆汪詩詩亦有去探班。

近來成高登男神的黃子華也有在戲中扮嫖客，以《胭脂扣》的十二少造型現身，而君如當然係如花啦。

吳君如今鋪碌盡人情咭，同時亦藉此享盡娛圈男神的「艷福」，其中可同餘文樂嘴嘴。

在音樂會扮過一次性感女神瑪莉蓮夢露的薛凱琪，今次在戲中再扮，駕輕就熟。

鍾意就快D Share啦！

下一篇 》