2014年1月16日 星期四

[壹週刊 1245] 新加坡包住陪玩 熊黛林「新佬」曝光 熊黛林,M1,




探熱針

新加坡包住陪玩 熊黛林「新佬」曝光

熊黛林同郭富城結束七年情後,城城的緋聞女友一個接一個出場,至於日日對住兩隻愛犬, dry到要在微博呻慘的熊黛林就無著落。

其實熊黛林並非無人吼!據了解,一名叫 Rodney Lee的新加坡富商,半年前已對她展開追求,二人終於在兩個月前正式開始。早前熊黛林與朋友結伴到新加坡豪玩,對方安排她入住私人別墅,玩、住、食、行,全部照顧周到。

前度碰面

去年四月,阿 Lynn熊黛林宣布同郭富城玩完後,雖然身邊不乏追求者,但始終是無米粥,唔成事!遠比苟芸慧、葉熙祺輪住登場的前度冷清。

分手不再是朋友!去年十一月,阿 Lynn同城城分別應邀出席蔡加讚汪圓圓婚宴,分手後首度同場,兩人在互避情況下沒有撞口撞面,但第二日,阿 Lynn在微博呻心情差,「沒有心情,什麼都不想寫,只想靜靜坐著。」同城城的七年感情,始終未放低。

直至最近,阿 Lynn終於有新目標!在朋友介紹下認識了一位新加坡富商 Rodney Lee,對方約四十歲出頭,未結過婚,在新加坡有多個物業揸手,也是當地筍盤!雖然男方身高只有五呎九吋,比五呎十一的阿 Lynn矮兩吋,但試過同城城的長短腳之戀,高度對阿 Lynn根本不在考慮之列。

去年十一月城城同阿 Lynn分手後首次同場,阿 Lynn事後在微博呻無心情。

聖誕節城城就一支公現身灣仔王子酒店,似乎是同朋友打完邊爐。

聖誕開 P

據了解,聖誕節期間阿 Lynn特別向公司請假,飛到新加坡陪男友。廿四號平安夜當日,阿 Lynn單拖飛到新加坡,會合預先抵達的兩位香港朋友,由司機接載到 turf city買食品。行到售賣蛋糕的櫃枱,阿 Lynn用電話影低蛋糕款式,再 send俾人揀,似在詢問男友意見。

買完嘢,一行人返到位於 Duchess Ave的獨立屋,準備晚上的 party。當晚阿 Lynn悉心打扮著了一條黑色喱士裙,襯曬男友的全黑服裝, Rodney更趁機介紹阿 Lynn給朋友認識,公開關係。

抵達新加坡,阿 Lynn就同朋友去超市 shopping,買蛋糕開聖誕 party,其間更影低相問男友意見。

平安夜當晚阿 Lynn與男友在別墅迎聖誕,她更與男方一眾朋友影合照。

第二日男友又帶阿 Lynn去見他的其他朋友,一齊食 lunch。

之後阿 Lynn撇甩男友同 Auntie食晚,但她全程心不在焉,掛住玩電話。

男友送鞋

兩人跟住去了 shopping,沿途男方不斷氹阿 Lynn開心,又送了一對八千多元高踭鞋給她。

第二日,阿 Lynn同男友外出拍拖,為免張揚,刻意叫埋兩個朋友同行做電燈膽。

下午兩點半,一行人去到 The Paragon食晏, Rodney的朋友亦有到場一齊食。飯後再去義安城 shopping,先後行了多間名店,但阿 Lynn只在 Christian Louboutin買了一對約值港幣八千多元的高踭鞋,由男友負責俾錢。

在電影《葉問》做甄子丹老婆的阿 Lynn,在新加坡頗為人識,走在街上,不時有人要求合照,為此,每去到人多地方,她與男友都刻意保持距離,更鮮有公開拖手等親密行為。

開心摸背

去到新加坡,當然要去環球片場。廿七號當日, Rodney做領隊,帶阿 Lynn同兩個電燈膽同行,不過同行友人相當識趣,經常自動離隊,騰出二人世界空間。 Rodney充當攝影師,幫阿 Lynn影相,又不時望實女友,相當陶醉。之後兩人更不顧旁人眼光,一齊與大恐龍合照,影完相,阿 Lynn忽然詐嬌,用手掃摸男友肩背脊,十分溫馨。

原本阿 Lynn想同男友一齊玩天幕飛行機動遊戲,但見附近有遊客用手機影自己,才改同朋友一齊坐。

夠鐘醫肚,兩個一齊拍拖更去買嘢食,食飯時又不時碰杯,剛拍拖的舉動,有齊。

食飽繼續玩,去到未來水世界劇場,兩人排排坐,有男友陪玩,阿 Lynn又興奮又投入,大叫舉手,二人又不時深情對望。玩足六個鐘,一行人離開,轉場到 Newton Food Centre,再食過!

阿 Lynn同男友影完合照後,詐嬌推男友背脊,寃氣到爆。

自從有新男友後,阿 Lynn即變回開朗,又話新加坡之行玩得瘋狂。



每當遇到人多,又或者被人眼望望時,他們會自動彈開,但一有機會,他們又會情不自禁走埋一齊。

睇表演時,阿 Lynn同男友排排坐,睇得相當投入。

在餐廳食飯時,兩人不時碰杯,又深情對望。

Rodney十足龍友般,經常搵阿 Lynn做 model,幫她影相。

狂追三個月

據了解,阿 Lynn與兩個朋友在新加坡七日六夜之旅,全部行程由 Rodney包辦,包括連日來所入住的別墅,對阿 Lynn甚至女友的身邊人亦照顧周到,愛屋及烏。

據知, Rodney對阿 Lynn展開追求了三個月才追到手,由於分隔兩地, Rodney常趁週末飛到香港,爭取與女友相處機會外,亦會花盡心思,送小禮物或手袋討阿 Lynn歡心。

本週一(一月十三日),阿 Lynn舊愛城城出發到成都工作,對前度有新男友,他一味笑,全程冇回應過一句。

間中阿 Lynn會到別墅外圍跑步做運動。

離開新加坡當日,男友沒有送機,只搵了司機送她到機場。

城城被問到阿 Lynn有新歡時,全程封嘴,唔肯回應。

早前同城城傳緋聞的葉熙祺,自從四圍張揚成功入城後,被城城疏遠。

狠心分手

拍拖七年,一心諗住做「城嫂」的熊黛林,去年四月突然在微博上載一張尾指戴戒指的相片並留言:「祝福自己,重新上路……」宣布同城城分手。甩拖後,二人各自出席公開活動時多次表示不會復合, Lynn更取消對城城微博關注,再見不是朋友。

19/4 Lynn:不適合始終要放低!

分手後, Lynn首次出席公開活動,被問到七年情玩完是否覺得可惜?她強裝鎮定:「向前行!覺得不適合始終要放低,過去就由得佢過去,唔好再糾纏。」

21/4城城:喜歡對方不一定白頭到老。

郭富城出席內地活動,堅決表示從未想過復合:「喜歡對方不一定白頭到老,不如放手讓她遇到對的人,緣分天注定,不要強求太多。」

28/4城城:我祝福 Lynn找到更適合的人。

Lynn被翻舊賬,指當年為了城城而向前男友悔婚,城城再一次表示:「我絕對祝福和相信 Lynn找到更適合、更能照顧她和給她幸福的人。」一再強調不會復合。

1/5城城:對鞋唔舒服不如換咗佢。

城城再就分手發表「著鞋論」:「如果對鞋唔舒服,不如換咗佢,夾硬著落去,只會流血。」比喻同阿 Lynn性格不合。

6/6 Lynn:佢唔會送嘢俾我。

有指城城原本打算將愛駒改名「愛林」,但分手後即改成「愛將」, Lynn即晦氣表示:「佢唔會送嘢俾我。」

26/8 Lynn:費事浪費時間

Lynn出席活動時被問到擇偶條件,她說:「我要搵個穩健、穩重、回報高嘅,費事浪費時間,要成熟啲。」暗示「攻城」七年嘥時間兼投資失利。

24/10 Lynn:希望關係清清楚楚。

Lynn在微博取消對城城關注,更表示:「希望關係搞得清清楚楚。」

天天新袋

自從同城城甩拖後,重新上路的熊黛林並冇自暴自棄,反而更加身光頸靚,加上新歡 Rodney愛送包包做禮物,難怪她出街次次都唔同袋。

Valentino粉紅色窩釘手袋$15,600

杏色 Boy Chanel$31,400

Chanel黑色 Classic Bag$44,700

Chanel紅色 Classic Mini Bag$20,700

Hermés Kelly bag$115,000

LV Handbags

$10,700

藍色 Boy Chanel$31,400

黑色 Boy Chanel$29,600



鍾意就快D Share啦!
Related Posts Plugin for WordPress, Blogger...