掃呢頁CODE去手機

2014年3月18日 星期二

貪崢同Bosco合股開餐廳? 黃媽媽落閘:唔會畀錢佢【如意算盤打唔響】 Bosco,楊崢,貪崢,黃宗澤,




【如意算盤打唔響】貪崢同Bosco合股開餐廳? 黃媽媽落閘:唔會畀錢佢

2014-03-18 16:15:00



有報道指楊崢想同Bosco合股開餐廳,不過遭黃媽媽反對。(資料圖片)

33歲嘅黃宗澤(Bosco)被爆高調戀上大佢9年嘅楊崢,不過女友臭史越揭越多,加上黃媽媽反對,搞到Bosco要打退堂鼓,甚至要收番佢借畀楊崢嗰部仿古車,令到呢段「宗崢戀」,只係拍拖個多月就閃電玩完,真係快來快去呀﹗

分手之後,繼續傳言滿天飛,楊崢起初以私人理由,向商台無限期請假療情傷,起初有指楊崢本月底返回商台開咪,不過《1圈圈》監製鄧潔明就表示,楊崢回覆過佢,話決定唔再返商台,又指楊崢近日忙於推出烹飪書。

今日有雜詓報指楊崢死撐同「男友」Bosco未分手,仲0氹要同對方合股開餐廳添;不過咁,就算Bosco肯同佢合股,都要過黃媽媽嗰關先囉,要知道一直有傳黃媽媽唔鍾意楊崢㗎,而該報道中就提及黃媽媽身邊友人話:「黃媽媽話到明,佢哋兩個已經分咗手,唔會畀錢Bosco開餐廳喎!」

而報道更透露楊崢為避傳媒,已由鯉景灣搬咗去雲景道嘅一個物業添。



楊崢已經冇再返商台開咪了﹗(資料圖片)



黃宗澤向來聽阿媽話。(資料圖片)



楊崢現時忙於推出烹飪書。(微博圖片)



(微博圖片)



(微博圖片)



鍾意就快D Share啦!