掃呢頁CODE去手機

2014年3月18日 星期二

【韓流】《感激時代》拖糧8億 劇組人員大罷工




【韓流】《感激時代》拖糧8億 劇組人員大罷工

2014-03-18 13:45:00



《感激時代》收視終能夠穩步上揚,但又因為制作公司拖糧搞到劇組部份工作人員罷工,最惡劣嘅情況係該劇可能要被腰斬。

《感激時代》呢套劇認真波折重重,一開播嗰陣因為遇到勁敵《來自星星的你》搞到收視得嗰幾點,後來又話換編劇,到到依家收視穩步上揚之時,又因為制作公司拖糧問題搞到劇組部份工作人員,包括攝影、燈光、化妝、音樂等決定罷工,如果解決唔嚟,最惡劣嘅情況係該劇可能要被腰斬。

據了解,搞到罷工嘅導火線係因為制作公司方面共拖欠總達8億(約港幣581萬)嘅薪酬,而且未能夠喺承諾日期支付員工薪酬,搞到佢哋極不滿。《感激時代》相關制作公司表示,已盡力向各方協商,並解釋只係因為銀行關咗門先搞到唔能夠係承諾之日支付。而KBS電視台就話:「我哋只係負責播,制作相關嘅事宜係由制作方面全權負責。」



鍾意就快D Share啦!