掃呢頁CODE去手機

2014年3月18日 星期二

粉絲幫楊丞琳達成願望 與金宇彬「合照」 金宇彬,楊丞琳,




粉絲幫楊丞琳達成願望 與金宇彬「合照」

2014-03-18 11:37:00



楊丞琳因為日前唔喺台北,同偶像金宇彬無緣相見,有粉絲就好心幫佢炮製張合成照,滿足佢願望。(微博圖片)

憑《繼承者們》彈起嘅韓國長腿Oppa金宇彬,日前喺台灣舉行粉絲見面會,大受歡迎,當晚金宇彬完騷後,就去咗鄭元暢(小綜)及陳妍希有份投資嗰間餐廳,難得人氣韓星光顧,小綜同妍希BB當然要現身打招呼,兩人仲集埋郵,真係恨死隔離﹗

原來楊丞琳都係金宇彬粉絲,當佢得悉金宇彬訪台兼去埋老友間餐廳,就狂呻緣慳一面,亦無緣集郵:「我不敢相信我的眼睛你們知道我有多喜歡金宇彬嗎?他居然跟我兩位閨密合影,還到你們的餐廳!!!我恨我不在台北。」其實呢排楊丞琳係去咗鄭州做嘢。

為咗安撫楊丞琳兼達成佢同金宇彬「合照」願望,有粉絲就好有心咁幫佢喺張相做手腳,Key咗楊丞琳落張合照度,令楊丞琳成功同金宇彬合照,金宇彬仲「搭住」楊丞琳膊頭添,楊丞琳見到張相就話:「如果是真的那有多美好。」小綜亦留言話:「有夢最美。」



原圖是咁的。(微博圖片)



合成後,變成咁。(微博圖片)



鍾意就快D Share啦!