2014年4月10日 星期四

[壹週刊 1257] 貴貴都俾  Edison過橋抽板 益晒周栢豪 Edison,陳冠希,M1,




去年 3月 Edison出席 Evisu活動遲到個半小時,更用英文粗口鬧人繼而扮肚痛想甩底。

探熱針

貴貴都俾  Edison過橋抽板 益曬周栢豪

陳冠希 10年公告回歸娛樂圈後,人氣形象無樣掂,孭住東亞娛樂老闆林建嶽 2千萬數的他,密唱內地夜場,亦山大斬埋有柴。

欠人錢可以慢慢還,電影返唔到內地,冇拍戲餓唔死! Edison致力保住,是潮人招牌,旗下潮牌公司 Clot, 12年同牛仔褲品牌 Evisu聯乘合作,他不惜降價做代言人,兩年只收 80萬。過海神仙!到履行合約拍廣告, Edison諸多要求,又扭擰拒現身品牌活動,甚至被發現私下收錢,著另一品牌牛仔褲出席公眾場合,製造衝突!

過海神仙

當紮時期,○六年陳冠希拍一個 Samsung相機廣告,百五萬走唔甩。發生淫照事件後,廣告商雞飛狗走;一○年回歸娛樂圈,吸金能力已無法和昔日相比,要在國內穿州過省跑夜場,但 Edison最花心機時間,始終是經常和其他品牌聯乘合作。

一二年, Edison公司同牛仔褲品牌 Evisu合作,為求賺埋代言人份酬勞,他主動𢱑撈,以「有價講」打動品牌,最後以八十萬酬勞簽約兩年。收得平, Evisu亦破例用香港藝人做生招牌。

Edison收順咗!但後患無窮。拍平面廣告, Edison堅持要用自己相熟的攝影師和製作公司,稍有不配合,便以罷拍威脅。雙方合約亦訂明兩年內 Edison要出席兩次品牌活動,其中一個去年三月於上海舉行,代言人卻足足比 call time遲了一個半小時才現身,催促期間,他自稱肚痛不適,企圖甩底。

「 Edison打電話同老闆講話唔舒服唔嚟,老闆嘈曬,佢先死死地氣蒲頭,到場全程黑面,見到老闆(品牌)仲招呼都唔打,活動未完,仲借啲意走埋。事後聽番負責接待 Edison啲同事講,話 Edison電話入面全程英文粗口橫飛,傾完嗰個電話,佢就話自己唔舒服。」一名品牌的員工透露。

周栢豪以 Edison 3倍酬勞, 240萬接棒做兩年代言人。

受人錢財, Edison活動上卻全程黑面,更未完騷就走人。

食兩家茶禮

經此一役,雙方關係漸趨惡劣,為免節外生枝,品牌特意於去年底,開始為餘下的一個合約活動(今年舉行)進行接洽,但 Edison一直以工作「好忙」為理由,不肯落實檔期,品牌拖無可拖下,活動鐵定今年五月舉行, Edison卻回覆當日人在美國,如要他返港,須提供頭等機票,而不是合約訂明的商務機票。

「 Edison話自己喺美國好忙,一定要搭頭等等佢喺飛機有充足睡眠先至見得人。老闆知道嬲到震,仲話一早知 Edison收人哋錢著咗一個內地 brand嘅牛仔褲,都忍住無出聲,又話呢個人食兩家茶禮,收咗錢過海神仙,講明永不錄用。」一名品牌員工透露。

唔想再受氣!品牌隨即換人,找來比 Edison貴三倍,兩年合約收二百四十萬的周栢豪,貴都殺!

Edison同台灣女友 Ann拍拖年半,上月底男方將二人的親熱照上載社交網站曬恩愛。

去年 8月 Edison相約曾志偉於銅鑼灣 Cova飲茶,搲撈拍電影。

淫照前, Edison接拍 Samsung相機廣告,叫價高達 150萬。

復出 4年,電影擔正遙遙無期,反而彭發執導的微電影《探靈檔案》大膽起用 Edison做男主角,同商天娥合演其中一個單元。

有得執

10年陳冠希正式宣布復出娛圈,但人氣和身價已大不如前,幕前工作有限,反而跑內地夜場酬勞三十萬人仔起跳,有得執。



鍾意就快D Share啦!
Related Posts Plugin for WordPress, Blogger...