2014年5月16日 星期五

[忽然1周 981] 索 Old嬋是這樣煉成的 苗金鳳 汪明荃 趙雅芝 米雪 劉曉慶 苗金鳳,汪明荃,米雪,趙雅芝,MW,




媽咪姐

索 Old嬋是這樣煉成的

何謂索?不解釋。而 old,小學雞都知道係老咁解。至於嬋的意思最闊,古人用嬋來形容靚嘢,家陣嬋可以同師奶劃上等號。天堂與地獄,各走極端。不過事實歸事實,今年 69歲嘅苗金鳳,結過兩次婚生過兩個仔,名副其實係 old嬋,絕無貶意。最大學問係點樣將 old嬋昇華變索 old嬋,苗金鳳家陣醒幾招過你。











平日甚少出街,防紫外光折射嘅苗金鳳,上周三( 7日)終於出動,一口氣連走兩場宣傳新劇。兩個訪問夾埋四粒鐘有多,但媽咪姐發現佢全程冇嘢到肚,水就飲咗兩杯。工作完畢,苗金鳳深入自由行重災區——尖沙嘴港鐵站,搭港鐵返將軍澳屋企。車程 35分鐘,佢全程企多過坐,難怪咁嘅年紀,腰間冇乜脂肪積聚, 26吋黃蜂腰就係咁煉成。

有仔偷𥄫

69歲嘅苗金鳳魅力依然。上周三( 7日),佢由新城電台飛的到都會海逸酒店,落車嗰陣星味四射,連酒店職員都忍唔住偷望。

企足半程

之後苗金鳳坐港鐵返屋企,不過佢有位都唔坐,企住瘦身。但畢竟車廂係大家嘅,下次唔好挨住成條柱喇!

睇書又企

苗金鳳 43吋長腿得天獨厚,不過瘦腿絕對係後天努力嘅成果。睇佢企喺七仔前面刨雜誌刨成十分鐘都唔覺攰就知。

曾經自爆日日飲靚湯嘅佢,臨返歸前亦到超市打個白鴿轉。超市美食琳瑯滿目,係訓練定力嘅好時機。眼前有堆割引燒味,半隻油雞亦唔使 30蚊,有買趁手,不過最後佢撲槌買咗隻冰鮮雞,寧願少油少鹽撚番幾味。

呢位 old嬋索就索嘞,不過媽咪姐發現佢全日都係一個人,都幾孤單嚇喎!講到尾,「嬋」呢個字拆開嚟睇,一「女」一「單」,好似整定咁。不過一個人生活都唔一定唔開心嘅!學佢話齋:「我年紀都咁大喇,咩都要睇開啲喇!」

公開駐顏秘笈

除咗喺生活小節上 keep fit外,苗金鳳仲首度公開護膚貼士,詳情請 click蘋果動新聞 app入面嘅《忽然 1周》

放下肥膏

縱使油雞滷味幾平都好,佢最終都係放下肥膏,所以話決心幾時都係瘦身嘅致勝因素。

心跳回憶

睇番苗金鳳青春少艾嗰陣,真係令人心跳加速。當時佢套套女一,睇下佢喺電視劇《大亨》同秋官幾登對(下圖)。

不老之嬋

圈中除咗苗金鳳識得逆轉肌齡外,下面呢班上咗年紀嘅女星都駐顏有術。媽咪姐好羨慕囉!

67歲 汪明荃

阿姐汪明荃皺紋並非特別少,不過佢年紀愈大,潮流觸覺愈敏銳。睇下佢一身 Stella Jean潮服打扮,著到成個人青春曬,與 37年前嘅《家變》洛琳 look冇乜分別喎!

60歲 趙雅芝

唔講唔知,趙雅芝今年已經可以擺 60大壽喇!不過佢皮膚同身形,拍得住時下老蘭三十出頭嘅蒲女,難怪有本事令老公黃錦燊對佢從一而終

59歲 米雪

米雪舊年呢張索爆泳衣相技驚四座,令一眾網友窒息咁滯。重溫歷史,米雪自從 40打後,容貌冇乜走樣,直頭啪咗不老靈丹咁,真係藥箱都變成首飾箱喇!

59歲 劉曉慶

一班香港女星識 keep,而內地神級女星劉曉慶亦追隨港星步伐。睇番佢近日出席活動相,同十年前直頭係兩個人。不過佢否認整容,真係貫徹內地人本性,乜都敢噏。

今年

04年



鍾意就快D Share啦!
Related Posts Plugin for WordPress, Blogger...