掃呢頁CODE去手機

2014年5月16日 星期五

[忽然1周 981] 擲 15萬老本出碟 河國榮日使 30蚊 河國榮,MW,




精打細算

河國榮與太太去街市買餸,邊行邊商量買乜,兩夫婦一起面對生活問題,非常恩愛。

娛樂喧

擲 15萬老本出碟 河國榮日使 30蚊

離開大台六年的河國榮,月初與老婆西貢擺檔賣首飾,再度受到關注。上周六( 10日),他又在九龍城廣場擺檔,生意不俗,加上西貢擺檔新聞曝光,令他多了搵外快的機會,頓解燃眉之急。

不過,靠食老本的河國榮卻決定出碟,將僅餘的 15萬積蓄博一鋪。為圓歌手夢,河氏夫妻日常生活非常節儉,買平餸的能力媲美肥媽。早前,本刊直擊兩人街市買餸,河太用$96買三日餸,連車費兩夫婦每天只使 30元,慳過攞綜援。











老婆爆料

河國榮慢慢揀生果,河太就踢爆老公懶搣生果皮,要她搣皮才食,更指他「好難服侍」!

河國榮與太太在西貢擺檔的報道出街後,引來極大迴響,除了九龍城廣場誠邀兩人進駐商場擺檔外,也有網民在 facebook留言想捐款給他。不過,甚有骨氣的河國榮卻婉拒好意,反而在網上呼籲網民支持他出唱片。

河國榮一向喜歡唱歌,更攞埋老本出來自資出碟,可惜萬事俱備下,其聲帶卻出現問題,未能錄音,令他出碟計劃打住:「早前感冒,加上聲帶有事,搞到我冇得入錄音室。醫生叫我放鬆啲,依家乜都搞掂,只欠我把聲。」據知今次唱片將會翻唱八十年代的歌曲,包括張國榮、譚詠麟及陳百強,「太太話用咗 15萬,不過全部錢之前已經俾咗。」

自彈自唱

河國榮熱愛張國榮及譚詠麟,家中有音響設備,閒來高歌一曲。

86年譚詠麟在澳洲開演唱會,河國榮不但是他司機,更上台為阿倫獻唱。

Fans力撐

有不少 fans在河國榮 facebook留言,支持他繼續從事演藝事業。

婉拒捐錢

雖然有 fans想捐錢支持河國榮,但他反建議 fans捐錢俾更有需要的人。

出騷搵錢

布偉傑、喬寶寶及河國榮同是娛圈中的外籍演員,三人上周四( 8日)一起出席食肆開幕活動,河有份出席,全因黑妹牽線。

黑妹搭路登台

河國榮拍劇多數做阿 Sir,在《刑事情報科》(圖)都係,仲拍住林保怡,駕輕就熟。

唱片未知幾時出,河國榮除了擺檔及在網上賣首飾外,最近更得好友「黑妹」李麗霞相助,幫他搭路為日本餐廳做開幕嘉賓,賺了五位數。他說:「黑妹姐好幫手,依家幫我接登台騷,其實都有學校叫我教英文,不過我要諗嚇,因為始終都係鍾意做幕前,怕會撞登台檔期。」

雖然生活逼人,但河國榮與老婆非常樂觀,他說:「唔樂觀就死得喇!藝人都要賺錢食飯,依家生活好慳,應酬都冇,盡量控制使 30蚊一日。每次太太會記低每項支出,唔會使無謂錢。」

河國榮與太太以食素為主,故買餸錢較便宜。上周四( 8日)他們往九龍城街市買餸,買了兩個蘋果、橙、香蕉、淮山、番茄及南瓜,總數 96元。河太說:「加啲菇來炒就好好食,番茄都可以炒蛋。」河國榮則說:「我哋每日都會食三種顏色嘅菜,多啲營養,雞蛋每日最多一隻,食得好健康。」

老公做生招牌

上周六( 10日)擺檔,河國榮與太太一個飯盒兩份食,又輪住休息,分工合作。

上周六( 10日),河國榮與太太在九龍城廣場擺檔時,兩人分工合作,河國榮負責搬運兼做生招牌,河太則負責教客人配襯,兩人更一個飯盒輪住食。患上筋膜炎的何太不能長期站立,故冇客時她會爭取時間坐低休息。河太說:「依家有做針灸,情況已經好好多,所以叫佢(指老公)做咕喱。」

河氏夫婦互相扶持,完全發揮香港打不死精神。

養狗貴過養人

河國榮家中養了 11隻狗,全是拾回來的,但視牠們如子,單是每個月的狗糧已花 6千,反觀他兩夫婦一個月膳食費僅為千多元。

他說:「佢哋係食肉獸,我哋揀靚嘅狗糧俾佢哋,佢哋當中有七隻患風濕,每個月都要打『骨藥針』,每支要 150元,連埋睇醫生,每個月開支接近一萬元。」



鍾意就快D Share啦!