【新鮮娛頭】謝安琪自組公司 拒簽老公加盟：佢好多人爭﹗
2014-05-21 07:16:00
（攝影：陳俊強）
去年底病逝的香港大學藥劑系畢業生伍庭發，其抗癌故事感動人心，伍父決定為愛兒成立教育基金，並獲謝安琪（Kay）等演藝界人士，義助舉辦三場音樂會，希望籌得200萬至300萬元，資助有需要的港大學生，讓他們可作進修之用。
昨晚Kay於九展Star Hall舉行《伍庭發紀念音樂會──謝安琪交響夜》，明晚就輪到RubberBand﹑Joey Tang及C AllStar等演出。
Kay今晚身穿一條one piece長裙，她表示佩服伍庭發父母：「佢哋為延續囝囝精神，聯同好多港大學生及喇沙中學學生一齊搞，所有參與人士都係義務性質，雖然係義務，但今晚演出嘅，好多都係專業音樂人，交響樂手都係後生而且專業，希望透過呢個音樂會，將有意義人生及正能量傳播出去，今次籌得款項，希望幫到更多學生，將庭發生命延續落去，呢幾日聽到好多庭發生前故事，好感動，尤其係佢病發時間，仍堅持返學及考試，都好值得去表揚，今晚揀啲歌，係由庭發爹哋揀，其中一位係我嘅歌《活著》。」
問到會否將庭發的故事，與囝囝張瞻分享？Kay說：「會呀，因為佢阿爺門規好嚴，九點鐘要佢上床瞓，今晚嚟唔到睇，但佢（囝囝）整咗個紙黏土送畀庭發家人。」
另外，有傳Kay會簽約華誼兄弟，Kay聞言搞爛gag：「嚇？愛是懷疑？華誼兄弟歌手都好熟，例如張靚穎﹑陳楚生等，其實華誼係一間好公司，佢哋好有誠意同我哋聯絡及邀請我，但之後會唔會有合作呢？要等公司處理。」
問Kay是否放棄香港市場？她說：「梗係唔會，嚟緊會出廣東歌，仲會成立一間唱片公司，個名叫『邁亞音樂』，意思係邁向亞洲，旗下歌手有自己﹑師弟goldEN，再簽一啲出色歌手，詳情就要等（經理人）夏森美公佈。（你有冇股份？）有股份送畀我。」
問到是否不簽其他女歌手？Kay說：「梗係唔會，歡迎所有好歌手加盟，都好開心，開始有自己品牌。」
那麼會否簽老公張繼聰？她說：「佢0依家好搶手，未必呀，都好多人爭，加上佢0依家多線發展，有電視﹑電影及司儀。」
至於這間新唱片公司，是否由製作至發行都一手包辦？Kay謂：「係呀，將所有歌曲版權都自己擁有番，都係算係一個新做法，大膽嘗試，其實自己好享受indie公司，覺得好有家庭feel，規模係小啲，相處好溫暖，0依家規模再做大啲。」
謝安琪昨晚以性感打扮出席音樂會。
伍庭發父親
伍庭發（資料圖片）
|
鍾意就快D Share啦！
|
|
|
