31歲子淇又靚又 Fit，品牌高層梗係要望多兩眼，不過表面上好誘惑又穿窿嘅透視晚裝，望真其實係肉色打底咋。
千億新抱出動，週身巨鑽、名錶，閃爆全場。
同一日千億新抱徐子淇都蒲頭出席名錶派對。論貴氣、論身型、論美貌都 win 9條街，身上巨鑽同名錶加埋貴過層豪宅，點比？最吸引 FBI，梗係李太條疑似透視晚裝，不過睇真啲，其實透出嘅只係肉色內裡啫。
李太當晚自爆屋企兩個女同個仔日日嘈交又打交， 3歲細佬俊熹仲係小霸王，成日要扮惡維持秩序喎。身材 fit到同做女時冇分別，睇怕都係湊 3個寶貝時消耗勁多卡路里
