雖然 Gareth是富二代，但對住 Heidi都呵護有加，落車一刻就開始傍到實，相當煙韌。
真面目
女神升呢 老母賣點心養大 李若彤黑面女攀闊少脫貧
大台中女劇炒熱 7位妹仔人氣，劇中飾演李若彤個女嘅李靜儀（ Heidi），雖然經常黑口黑面又恰媽咪，但都算 pure深得宅男愛戴。成功升呢，女神 Heidi原來已名花有主，被有「富二代監製」之稱的音樂人陳考威（ Gareth Chan）睇中。週日（ 18日）本刊直擊 Heidi到男友位於何文田嘅豪宅，靠單親阿媽賣點心養大的 Heidi，終於成功脫貧。
23歲的 Super Girls成員 Heidi 11年出道，她早前接受訪問時，曾透露早年為了減輕屋企負擔，希望做「模 art」來幫補家計，如今搵到富貴男友，脫貧在望。
夜上男友家
Heidi在新劇做中產師奶李若彤個女「黃河」，劇中經常黑面，其實現實中， Heidi在單親家庭環境成長，家中開支全靠在酒樓任職侍應賣點心的母親，加上 Heidi入行後工作量不多，直至新劇播出才有點起色。
週日（ 18日），完成活動的 Heidi跟組合兩成員 Aka（趙慧珊）和 Cheronna（吳嘉熙），搭車到闊少男友 Gareth位於何文田半山壹號的豪宅住所， Gareth拎住個 Prada紙袋落樓迎接女友，兩人全程糖黐豆， Heidi對男友住所的環境亦相當熟絡。
8分男友
據知 Heidi男友 Gareth現任東亞唱片音樂監製，與圈中歌手如吳雨霏、薛凱琪、鄭融等熟絡，更與 JW傳過緋聞，高大身形加上有錢家底，所以被身邊朋友視為筍盤，雖然異性緣旺盛，但 Gareth終情歸 Heidi。
有米 ABC
溫哥華長大的 Gareth，自小鍾意玩音樂，現職東亞唱片監製，曾為李治廷、鄭融和 Dear Jane監製唱片。行內他與吳雨霏最熟，亦幫 Kary作過曲，私底下 Gareth亦熱愛健身，身形加有米背景真係筍盤嚟㗎。
黑面神 Heidi：唔舒服啫！
Heidi新劇中飾演性格反叛的學生，加上與母親（李若彤）意見不合，所以好多時都要以黑面宣示不滿，就係因為黑面被封「黑面女神」， Heidi解釋：「我有少少唔舒服啫！」嚇，唔係掛？原來唔係跟劇本㗎？
|
鍾意就快D Share啦！
|
|
|
