[FACE 365] 淫照主角重生 Rachel(顏穎思)信主嫁人 陳冠希 顏穎思,陳冠希,BKD_S,熱門,MF,

31歲嘅顏穎思，同教友 Matthew Chung結婚，兩公婆笑容一致，唔少嘉賓都被佢哋嘅幸福感動。

網上圖片

FBI

淫照主角重生　 Rachel信主嫁人

眨下眼，由陳冠希（ Edison）搞出一鑊泡嘅藝人淫照風波，至今已 6周年，事件中男女主角各走各路。男主角 Edison一直想攝位重返娛圈，可惜撈極唔起；其中一位女主角鍾欣潼（阿嬌）雖然有戲拍，但喺香港人氣已大不如前，被逼返內地拍劇拍電影搵人仔。

Edison冇好帶挈，除咗令阿嬌人氣跌，其餘幾位女主角亦經歷人生低潮；好似栢芝就離婚兼變票房毒藥；陳文媛同男友金紫耀拍拖多年仍未嫁得；好彩另一位女主角，有巴基斯坦血統嘅 Rachel（顏穎思）翻到身，退出娛樂圈嘅 Rachel上年城大法學學士畢業後，今年仲搵到付託終身嘅另一半，上星期六（ 17日），佢同男友 Matthew喺金鐘萬豪酒店結婚擺酒。

FBI八到 Rachel同老公都係虔誠基督徒，返埋同一個教會 Solomon's Porch（所羅門門廊），當晚 Matthew全程緊拖 Rachel， 2人成晚笑到見牙唔見眼，唔少賓客見到佢哋咁幸福都好感動，不過就唔見佢請圈中人。希望其他女主角都可以好似 Rachel咁，盡快搵到幸福

00年 Rachel同 Edison拍《特警新人類 2》時曾傳過拍拖。 08年發生淫照事件後， Rachel便退出娛樂圈，到城大修讀法學學士課程，去年畢業，現於一間畫廊工作。《蘋果日報》圖片

陳冠希事件後，行蹤低調嘅 Rachel，上週六（ 17日）終於嫁人，真命天子係同樣係教友嘅 Matthew Chung。難得有情人，進行結婚儀式時， Rachel笑到四萬咁口。網上圖片

Rachel最近上載咗同老公 Matthew嘅結婚相上 facebook， Rachel冇好似港女咁同老公刻意互望，崇尚自然。網上圖片

有型顏爸

婚禮開始時， Rachel繑住爸爸進場，留意顏爸爸都好靚仔㗎！

網上圖片

信主得救

Rachel（右一）離開娛圈後成為基督徒，同老公 Matthew（右二）返同一個教會，仲經常跟教友分享見證。

網上圖片

誠心信主嘅 Rachel，上年喺眾弟兄姊妹見證下受浸。

網上圖片

鍾意就快D Share啦！

下一篇 》