全城熱爆的娛樂八封新聞 & 時事趣聞 & 生活 + 趣聞
志偉做搞手，舊年開口叫到一班無做好耐嘅昔日女神幫手，可惜後會難有期。
大台近年個勢輸曬俾韓劇，難得有番套似樣啲嘅《女人俱樂部》叫做收得，大家梗係諗住佢會食住條水開續集，谷嚇個勢
不過媽咪姐就收到風，曾志偉當時肯出手做監製，拉埋班阿姐出山救亡，純粹為義氣，收嗰少少錢真係唔知夠乜。仲有呢班阿姐有幾個要返屋企湊仔，時間好難就，有啲雖然冇家庭問題，但要佢哋就人個期，點都有意見你叫志偉再嚟多鋪，難啲囉！ 有幕後人話：「公司一向俾唔起錢，呢班阿姐又難湊。佢哋依家想食住條水，搵自己啲親生仔女拍懷舊劇喎！」 Well，依家大台有幾多人識做戲，大家心照。拍出嚟，兩樣嘢嚟㗎噃！
張慧儀、李若彤、葉蘊儀、李麗珍、岑麗香同袁潔瑩排曬舞，又唱又跳，觀眾覺得夠 fun。
劇中飾演李若彤老公嘅阿旦，個角色好討好，但係要佢死於車禍，唔少人戥佢唔抵。
喺微博有人鬧爆編劇，好人要死，仲睇嚟做乜？
