插圖： Wendy
揞名爆
「細細粒」縮骨累助手
娛樂圈，各大公司每年例牌搞嚇聚餐，上上下下一齊 happy嚇。每年又例牌叫旗下藝人歌手攞啲現金出嚟抽獎，但無話硬性規定俾幾多嘅，都係志在慰勞嚇為班星辛苦咗成年嘅同事啫。
媽咪姐就八到，今年啲樂壇阿姐每人都俾咗 5位數，幾大手筆㗎！而近年上緊位嘅「細細粒」呢，都有俾。不過助手最初問佢俾幾多時，佢話俾二千，當助手上報咗呢個數俾負責籌備聚餐嘅同事之後，「細細粒」竟然反口！佢同助手講，屋企人有事，想俾少啲，最後只係俾咗一千蚊。助手聽到「細細粒」咁講，即刻呆咗！事關自知職位低微，唔知點同負責籌備嘅同事交代，直接話「細細粒」俾唔夠數咩？又驚以後跟佢做嘢會有說話聽，話你篤「老細」出嚟。而且口講無憑，又無白紙黑字寫明，「細細粒」可以隨時反口話自己無講過俾二千蚊。
唉，所以最後助手決定自己嘔嗰「欠收」嘅一千蚊出嚟，真係慘慘豬！ Well，值得一提嘅係，之後根本唔覺「細細粒」屋企人有啲乜嘢事，佢仲日日 happy，笑曬拍拖㖭！人啊……
邊個係「細細粒」？
1.眼細細嘅。
2.平日好似好 nice㗎。
|
鍾意就快D Share啦！
|
|
|
