全城熱爆的娛樂八封新聞 & 時事趣聞 & 生活 + 趣聞
（左起）王敏奕、糖妹、陳瀅、賴慰玲、吳燕菁、吳嘉熙及陳家寶一班女仔拍完劇 friend咗，臨尾仲話唔捨得對方，喊曬。
講完班中女，不如睇嚇「小 M Club」班妹妹又點先？嗱，套劇播完，糖妹就即發微博話好唔捨得，仲同班好姊妹攬住喊，感情都幾好㗎！
不過，佢哋同班阿姐一樣，都要湊仔，不過係男友囉。你睇做𡃁版李麗珍嘅王敏奕，連出名花心嘅志偉仔曾國祥都搞掂，後生可畏呀。
飾演少女李若彤嘅陳家寶同飾演少女袁潔瑩嘅吳嘉熙勁 friend，影親合照都貼面或拖手㗎。
唔搵陳家寶嗰陣， Super Girls嘅吳嘉熙就去跑步，話要減肥。
飾演少女李麗珍嘅王敏奕掛住同男友曾國祥約會，唔得閒理班姊妹。《蘋果日報》圖片
