2014年6月20日 星期五

[忽然1周 986] 張兆輝大仔惹官非 群星齊力撐 張兆輝,MW,




媽咪姐

張兆輝大仔惹官非 群星齊力撐

廿四孝爸爸張兆輝,呢個父親節過得唔多快樂!皆因阿仔 Edison(張焯鏗),最近因為同同學爭執惹上官非。喺父親節嘅淩晨,輝哥就喺微博上載大仔 Edison嘅 BB相,仲寫咗百幾字向乖仔道歉,「爸爸的職業給了你不一樣的人生,因為你高大的身形面對突如其來的擊激(襲擊),你的害怕,你的痛你的反應我能理解,很抱歉,這麼快令你進入大人的複雜世界!你要記住你才十四歲,還有很長的人生,不要放棄,心存善意,定能途遇天使。」

51歲嘅輝哥一向樂天,呢段帶傷感嘅肺腑之言,令媽咪姐感觸良多,苗僑偉夫婦、麥包、曹永廉、江美儀就出言力撐。唉!其實兩個小朋友打交,點解會鬧到上法庭呢?依家惟有等法官主持公道啦。

媽咪姐之前去探班,見到 Edison放假仲去片場幫爸爸做助手,又幫其他工作人員做跑腿去買外賣,真係幾難得㗎。但忽然惹上官非, Edison依家都困擾。

輝哥同做美容生意嘅太太郭碧妍一直恩愛,生咗張焯鏗、張焯姿一對仔女,樂也融融。希望官司快啲過去啦。

張太撐仔

眾星安慰

網民稱奇



鍾意就快D Share啦!
Related Posts Plugin for WordPress, Blogger...