五吋踭，三吋事業線，徐子珊遮都唔遮，俾人眼望望都冇反應。
同你吟一吟
徐子珊三吋胸線遊街
早排徐子珊踢走鍾嘉欣成為纖體公司全新代言人，廣告入面又扮金魚又要打排球，外界反應雖然彈多過讚，但起碼製造到話題，徐子珊亦落力 sell身材，做足代言本份。
上個禮拜四（二十九日），徐子珊因為要出席時裝雜誌舉行嘅頒獎禮，於是提早去中環髮型屋扮靚，之後仲索性著住件可以逼出三吋事業線嘅低胸戰衣走人。由於髮型屋樓下唔停得車，徐子珊打開心口、踩住對五吋高踭鞋，就咁行去隔籬街上車，任睇！
話時話，徐子珊呢個低胸 look，響中環六點幾放工時間遊街，真係少啲膽量同自信都好難做到。相對平日打扮密密實實嘅嘉欣 BB，冇咗個代言飯碗，都應該輸得心服口服。
|
鍾意就快D Share啦！
|
|
|
