掃呢頁CODE去手機

2014年6月5日 星期四

[壹週刊 1265] 門票滯銷  Isabella復出撻 Q Isabella,梁洛施,M1,




兩師徒合演舞台劇,銷情及口碑均都差強人意。

探熱針

門票滯銷  Isabella復出撻 Q

梁洛施同恩師詹瑞文合演的舞台劇《快樂勿語》日前公演, Isabella久休復出,但叫座乏力,九場舞台劇冇場爆,平均入座率僅七成!

為谷飛,主辦商將門票掟上團購網割價促銷, Isabella連日來亦落力做宣傅,連舊愛李澤楷都擺埋上枱,自爆會邀請對方睇騷,無所不用其極。

急救票房

於尖沙咀文化中心大劇院公演的舞台劇《快樂勿語》,價格共分$580、$450、$380、$320、$270和$195,雖然每場只有一千七百三十四個座位,但九場門票中,只有其中幾場的貴價門票顯示滿座。

為免對住空櫈做戲,身兼主辦商及男主角的詹 sir,四出𢱑贊助商包場,再將門票掟上團購網,以七折促銷,雙管救亡。

「門票四月開賣,但啲飛去得好慢,詹 sir嗌埋 Bella(梁洛施)係咁谷宣傳,同報紙雜誌做訪問,行勻咁多個電台仲搞埋探班;另外又四圍搵 sponsor,其中一埸 She.com包場派飛,叫做谷到八成入座率,剩番嗰兩成,唯有掟去團購網,做七折促銷。」知情者說。

詹 sir為 Isabella炮製多場獨腳戲,可惜演技未達標,慘變觀眾「廁所位」。



主辦商將門票掟上團購網促銷,甚至有網頁免費派飛。

擺小小超上枱

復出頭炮撻 Q, Isabella為補鑊,連舊愛小小超都擺埋上枱,接受訪問罕有地有問必答,指自己與對方是「一家人」,會請對方到場睇騷,又話嚟緊父親節,將與小小超及三個囝囝「一家五口」慶祝。

打出舊情史王牌,但開騷前半粒鐘,仍有大量門票供應,可即買即入場。

在劇中飾演自閉女孩的 Isabella,全晚幾乎零對白,只講外星語,令觀眾睇到一頭霧水。雖然詹 sir悉心炮製多場獨腳戲讓愛徒發揮,可惜 Isabella久休戰陣、演技生硬,慘變成觀眾廁所位,加埋 Dorian Ho(何國鉦)替她設計的浮誇服飾,同劇情格格不入,單靠詹 sir在劇中講爛 gag製造笑位,亦難帶動現場氣氛。

「 Bella本來諗住借舞台劇打響頭炮,但而家反應唔理想,嚟緊傾嘅電影全部嗌停,話返加拿大湊嚇仔先。」知情人士說。

週一端午節正日, Isabella盡最後努力,派糉谷宣傳。

設計師 Dorian Ho為 Isabella設計的戲服被指浮誇,同劇情格格不入。

首場完騷後,詹 sir「萬歲」請工作人員消夜。

為製造話題, Isabella宣傳期間經常將李澤楷掛在口邊,借舊情史谷票房。



鍾意就快D Share啦!