呢張相，除咗用手指公㩒 shutter嘅汪詩詩夠得意，宇宙呢個笑容，更加難得一見。
同你吟一吟
甄子丹 難得好笑
下個月要飛去紐西蘭埋位拍《臥虎藏龍 II》嘅甄子丹，早排去咗海南島三亞出席代言 Sharp嘅活動，跟住又撲返嚟同新片《一個人的武林》補咗日戲。
明知嚟緊有排唔得閒，宇宙專登唧咗幾日時間陪老婆汪詩詩去咗轉峇里，仲講明飛紐西蘭之前要休息，留番啲時間慰妻同陪屋企人。
上星期六（五月三十一日），甄子丹又孖咇去街，喺中環俾粉絲截停影合照，甄太做龍友揸機，只見宇宙嫂用手指公㩒 shutter，好風格化。
至於喺片場話曬事嘅宇宙，雙手插袋望住鏡頭，八珍發誓，未見過佢笑成咁！可以令宇宙最強由剛變柔，宇宙嫂 only！
早兩個禮拜，甄子丹飛海南島三亞幾日做廣告商活動，仲即場彈奏一曲，之後又撲返香港，陪老婆大人飛咗去峇里。
|
鍾意就快D Share啦！
|
|
|
