掃呢頁CODE去手機

2014年6月5日 星期四

[壹週刊 1265] 城城 Chilam「愛將」受傷 百萬獎金變醫療費 Chilam,郭富城,城城,張智霖,M1,




去年 11月

二人共同購入的愛駒「愛將」,去年狀態大勇,頻頻勝出拉頭馬,馬主 Chilam同城城開心到即場「吹喇叭」慶祝。

探熱針

城城 Chilam「愛將」受傷 百萬獎金變醫療費

郭富城與張智霖既老友並同樣愛賽馬,已擁有馬匹「愛的呼喚」的城城去年初加碼,夾埋 Chilam及另一好友以百萬購入另一愛駒「愛將」。戰鬥力強的新寵火速成為馬場「風頭躉」,帶挈馬主贏錢有面子。

上位快傷得亦快,出賽半年,「愛將」早前因傷患要停賽,馬主城城、 Chilam贏落的百萬獎金,頓變成醫藥費。








獎金過二百萬

去年初以百萬於澳洲購入的「愛將」,原取名「愛河」,但有傳撞正城城跟熊黛林分手才易名。「愛將」去年五月開始落場出賽,短短半年,六戰四冠兩亞,贏到開巷!獎金累積至二百七十四萬二千,火速成為馬圈「新星」。

擁有一隻 fit馬,城城和 Chilam不時帶埋朋友如蔡一智、上山詩納、周汶錡等入馬場等拉頭馬,「愛將」亦不負所望,次次帶挈大家贏錢,又頻頻可以拉頭馬影相,由娛圈威到去馬圈。

去年六月「愛將」連贏,助 Cool魔 Chilam由娛圈威到馬圈。

四歲的「愛將」戰鬥力強,半年已贏得七位數字獎金。

傷勢不輕

不過,愈戰愈勇的「愛將」,近期卻未見有出賽。有傳是因為牠在年初的一場賽事中受傷,停賽療傷數月,至今仍未完全康復,愛駒受傷,令愛馬如命的城城和 Chilam憂心不已,擔心一旦傷勢未能好轉,四歲的「愛將」分分鐘要被迫提早退役。

「愛將」贏落大筆獎金,百萬身價早已回本外,餘下獎金亦足夠應付醫藥費,不用馬主出手。

「『愛將』年頭出賽之後隻腳受咗傷,照過 X-ray發現傷勢唔輕。練馬師喺新年後通知城城同 Chilam,講咗隻馬要休養一段長時間。城城原本打算將啲獎金放入營運基金,同 Chilam、周文曦、陳汝安一齊再入多匹馬,壯大馬房,而家可能 hold住先。」知情者說。

去年五月「愛將」第二次出賽,城城同 Chilam帶埋班老友蔡一智、上山詩納等入馬場撐愛駒。首次下注的阿智還因「愛將」帶挈發橫財,之後一班好友經常跟入馬場。

有傳「愛將」原名叫「愛河」,但因城城之後與熊黛林分手,故把愛駒易名。

不急於復出

有關「愛將」受傷,停賽至今仍未康復,馬主之一的張智霖直認不諱。

「『愛將』好 lucky,因為好少馬匹出賽贏得咁密。佢而家受咗傷,但贏番嚟嘅獎金已經夠佢嘅醫藥費,真係好叻。練馬師話佢只要休息一段長時間,就可以好番。我同 Aaron都覺得最緊要係隻馬健康,幾時落場,唔需要心急。我呢排比較忙,但遲啲都要抽時間探佢。」張智霖說。

旺開有條路,去年 Chilam以千萬身價簽俾蕭定一,又贏頭馬又開個唱,豬籠入水。

城城獨養的另一馬匹「愛的呼喚」,狀態一般,未能經常為馬主帶來佳績。

明星馬

不少藝人因為鍾意賽馬,最終做埋馬主。贏錢事小,贏埋面子先係 point。

洪金寶

洪金寶過去曾以個人名義養過「巨峯」和「寶祥星」,現役馬匹是「崇山寶」。「崇山寶」曾獲得 Kent& Curwen百周年紀念短途盃。今年 3月,於杜拜世界盃賽馬日出戰一級賽阿喬斯短途錦標奪冠,屬 fit馬之一。

羅傑承

做馬主多年,先後養超過十匹馬,雖多隻愛駒已退役,但餘下的,其中以「軍事出擊」成績最好,由 11年開始奪得多個一級賽冠軍,還獲香港賽馬會頒發 2012-13年「香港馬王」殊榮。

許晉亨夫婦

對馬有研究的許晉亨,之前偕老婆李嘉欣,以夫婦名義購入英國兩匹愛駒「一寶」同「貳寶」。有馬在手的李嘉欣經常偕夫出入馬場。狀態甚勇的「一寶」頻頻勝出,拉頭馬拉到手軟。



鍾意就快D Share啦!