[壹週刊 1265] 跟得女超盈 有錢途 超盈,M1,

同你吟一吟

跟得女超盈　有錢途

有報導指現年 23歲嘅賭王四房長女何超盈，獲媽咪梁安琪醒咗三個億元計嘅南灣物業，並同時擔任三間公司董事，正式涉足父母嘅事業王國。

四太直認有其事，仲話超盈家陣負責公司物業租務同設計工作，不過都係初起步，要其他同事睇實，當係學嘢，一步一步嚟喎！

有權有責，舊年迷幻街頭嘅超盈終於修心養性。星期一（六月二日）端午節，佢帶埋細佬猶亨同朋友去歷山大廈飲茶，之後再行去法國高檔名牌 Christofle搵媽咪。

做跟得乖女，陪老媽子買完水晶銀器，再殺過置地，先去 LADUREE買 Macaron，再去 Mui Mui買衫；總之阿媽去邊，超盈就跟到邊。聽話就有錢途，呢條數，任何關係任何處境都啱。

同細佬猶亨 tea完，兩姊弟 join番阿媽睇銀器，超盈仲坐埋阿媽隔籬幫眼揀款。

去買 Macaron，超盈亦跟住。

最後一站買衫，四太空手而回，反而超盈有收穫。

做跟得女之前，超盈同朋友喺 Cova飲咖啡，戒蒲戒黐 TB戒迷幻街頭，舊年港大畢業嘅超盈，唔同曬。

同一時間，另一對富二代兄妹，大劉劉鑾雄長子劉鳴煒同細妹劉秀融亦喺 Cova坐正對面枱，不過雙方招呼都冇打。

鍾意就快D Share啦！

下一篇 》