2014年6月12日 星期四

[壹週刊 1266] 慳錢讀名校 楊思琦 100蚊買餸 思琦,楊思琦,M1,




生果都唔買多,楊思琦只買了兩個火龍果。

探熱針

慳錢讀名校 楊思琦 100蚊買餸

飛甩空心吳帥後,楊思琦獨力湊女供樓養家,更遭無綫打壓大幅減人工,唔想揸頸就命,最終離巢外闖。有指近日與苗僑偉成立經理人公司的曾志偉,正遊說楊思琦簽長約,又幫她搭路拍內地電影《午夜蝙蝠》,雪中送炭。

單親媽媽膊頭重,楊思琦凡事以女兒 Krystal為先,乜都慳!唯獨女兒讀書唔慳得!上週四(六月五日),送完寶貝女返九龍塘 playgroup,楊思琦為省錢,寧願揸半小時車返回將軍澳平街市買餸,都唔願去較就腳的九龍城街市,仲要限住買餸錢在一百蚊左右,慌死使大!

試過肚生膿瘡開刀的 Krystal比同齡小朋友偏瘦,思琦常請教人,尋求方法希望令女兒吸收好啲。

思琦和媽咪跟魚檔老闆好好傾,應該買慣買熟。

買雜貨鋪執好的湯包,思琦揀得非常認真。

多謝曾志偉

為求生路,楊思琦焗住離開娘家無綫,短短個多月,接下一部內地電影、美甲廣告、商場騷和內地商演,收入遠勝留在無綫後期。

對楊思琦施以援手的,還有與苗僑偉成立經理人公司的曾志偉。「(志偉想你簽佢間經理人公司?)點解有咁嘅傳聞?其實我依家未咁快諗簽公司,工作方面都係啲朋友幫我傾住先,套電影係內地投資方搵我,不過志偉哥係嗰部戲嘅總策劃,佢份人好 nice,好肯幫人,以前都成日請我上《獎門人》節目,好多謝佢!」楊思琦說。

因為遭受打壓,才決定約滿離巢的楊思琦承認外闖,是想搵更多機會。

「話好唔好(離開無綫)係見仁見智,我唔想多講!走嘅原因,重要係睇番自己嘅需要。我想趁仲後生,出去睇嚇有冇多啲機會,想俾心機做嘢,始終依家要照顧囡囡同屋企人。漫漫長路,我都係盡力咋!」

有傳曾志偉想簽楊思琦,一二年到新加坡拍《五覺大戰》,亦有請她做嘉賓。

雖然無經理人,仍有唔少工作搵上門,早前便拍了一個內地美甲廣告。

另起爐灶

殼王陳國強入主無綫後,與他分屬好友的曾志偉一直在背後充當軍師,直至去年,曾志偉另起爐灶,秘密與苗僑偉、戚美珍自組經理人公司「愛•好娛樂」,更專向無綫旗下藝人埋手,挖角名單包括佘詩曼、謝天華等一線小生花旦。今年三月,志偉打響頭炮簽下台灣男子組合「棒棒堂」,成為公司首批藝人。

唔抗拒第二春

將十年青春先後交託兩個男人,為戀上吳帥放棄李泳豪被千夫所指,最後未婚產女,吳帥人間蒸發,錯愛換來惡果,楊思琦默默承受,卻絕口不提吳帥。

「都過咗去唔會再講!」但對於外界認為她因為錢,誤將空心吳帥當成金礦,楊思琦反應極大:「從來唔會睇錢去識朋友,以前係將來都會係!」

對愛情是否還有憧憬,三十五歲的楊思琦說平常心!

「依家要湊女、亦忙於工作,順其自然唔會話好想佢快啲嚟!我對愛情睇法好簡單,只要大家傾得埋就得,但都唔會刻意搵,隨遇而安!」楊思琦說。

兩頭騰慳餸錢

由○一年得港姐冠軍入行至今十三年,楊思琦出名慳妹,做咗單親媽媽,更加精打細算。

上週四,送完女兒返九龍塘 playgroup後,楊思琦唔揀就腳的九龍城,寧願揸半小時車返將軍澳厚德邨街市買餸。

現場所見,楊思琦與媽咪在街市快買一圈,包括:兩個火龍果、十多元的湯料包、四隻鮑魚仔和一斤菜芯,一百蚊搞掂一餐。買完餸,又揸車折返九龍塘湊女放學,騰來騰去。

「佢好緊張個女,話幾辛苦都要俾最好環境佢成長,好似返 playgroup嘅使費每月都過萬,思琦仲搜集咗好多名校資料,又幫個女儲定基金,仲話就算要留喺內地嘅 job,佢一樣會接!總之要搵多啲錢,俾最好嘅個女。」思琦身邊人說。

楊思琦谷曬胸出席 apm兩個活動,為搵錢搏到盡。

在無綫後期,楊思琦只被安排做《 May姐有請》主持。

楊思琦錯信吳帥謊言,拍拖期間招郎入室,做埋司機。

楊思琦下月便要返內地為電影《午夜蝙蝠》開工,將要留在國內一段時間。

出名慳家

出名圈中慳妹的楊思琦,獨力養家供樓兼養女,衣食住行,樣樣更加要就住使。

與名牌絕緣

專攻平價貨的楊思琦,平日出席公開活動只靠贊助商提供服飾,幾乎同名牌絕緣;平日最愛出口店,就算買衫過年,也只幫襯價錢大眾化的 Giordano。

用二手車

08年,楊思琦將用了五年的豐田 Echo日本車賣掉後,再以 18萬購入一部二手本田七人車,貫徹慳家性格,貪平不求新。

免費餐

平日拍劇又食又拎,道具飯當正餐食,亦試過將開鏡拜神的燒豬拎返屋企餵狗,再掃埋神枱生果,食得唔好嘥。

冇工人

12年誕下女兒楊卓穎後,楊思琦一直冇請工人,囡囡有媽咪幫手湊,自己就充當司機接送返學放學。



鍾意就快D Share啦!
Related Posts Plugin for WordPress, Blogger...