為咗創業，周家蔚睇鋪又湊仔，有指老公洪天明唔想老婆辛苦，曾勸她做全職主婦。
探熱針
瞓身創業 周家蔚 sell客拖地一腳踢
與洪天明結婚兩年，周家蔚去年升為人母，囝囝洪大仁已滿一歲。唔想齋做湊仔婆，周家蔚甘願孭起每月十幾萬租金，在銅鑼灣創業搞自家設計童裝店。做老闆先學精打細算，落場睇鋪做埋打雜拖地，周家蔚乜都一腳踢，慳得一毫得一毫，盡快回本。
十萬獎金創業
近年無綫分黨分派，余（詠珊）派寵將工作接踵而來，屬曾志偉派系的周家蔚，去年誕下兒子洪大仁（乳名 TJ）後，一直被投閒置散，只偶然被安排做綜藝節目嘉賓。
見唔對路，半年前周家蔚開始為自己謀退路，搞自家設計童裝生意。今年初，她憑著這個構思，參加無綫節目《我要做老闆》，結果勝出贏到十萬蚊創業獎金，更火速獲商家主動敲門傾合作，遊說她在大型商場皇室堡開店，幫手「鎮場」。據悉，原本每月廿萬的鋪租，業主打折頭示好，半年租金約一百萬，成功吸引想創業的周家蔚進駐。
半年見真章
本刊到周家蔚剛試業兩星期的童裝店「 The 7th Day」了解，剛巧碰上老闆新丁周家蔚，從洗手間裝滿一桶水行出來，原來為了慳得就慳，周家蔚放下身段，兼埋打雜，只見她攞起毛巾、地拖，抹窗拖地一腳踢，滿頭大汗。
開鋪一闊三大，為降低成本支出，店鋪裝修簡單，售貨員也只得一個。
「雖然家蔚贏咗十萬蚊獎金，但佢都要攞成百萬積蓄出嚟開鋪，所以一分一毫都使得好小心，自己日日落場睇鋪，都唔想請多個職員幫手。收工後又要返屋企湊仔，天明都叫佢唔好咁辛苦，但佢話做人應該要有冒險精神，遇到機會就要搏，好過喺無綫守株待兔。家蔚叫天明俾半年時間佢試下，做得掂固然好，若果捱唔住，佢亦有兩手準備，會學羅志祥同林志穎咁，將啲貨放喺淘寶明星網繼續賣。」知情者說。
鎮店之寶
身為老闆，粗重功夫、招呼客人，周家蔚事事親自鬱手。已為人母加明星效應，令一眾媽咪客相當受落；只見周家蔚一邊逗小朋友玩，一邊攞住自家設計的童裝及店內王牌產品——五千蚊的絲綿被，推介給媽咪客，最終成功開單冇失手。
之後，有人送貨到，周家蔚又親自點貨，店中大小事，都不假手於人。
湊掂大小客
一開鋪，已經有幾個媽咪級客仔幫襯。已為人母的周家蔚，氹細路當然有一手，親切加明星效應，話咁易就做成兩單生意。
|
鍾意就快D Share啦！
|
|
|
